ئه‌مه‌ریكا وه‌زیری ئیتلاعاتی ئێرانی سزا دا

:: AM:09:43:19/11/2020 ‌
حكوومه‌تی تره‌مپ له‌ ساڵوه‌گه‌ڕی سه‌ركوتكاری خۆپێشاندانه‌كانی ئێران هه‌ر یه‌ك له‌ مه‌حموود عه‌له‌وی وه‌زیری ئیتلاعاتی ئێران و كۆمه‌ڵێك به‌رپرسی تری سزا دا.

به‌گوێره‌ی دۆیچه‌وێله‌ جگه‌ له‌ مه‌حموود عه‌له‌وی دوو له‌ جێگرانی و چه‌ند كه‌سێكی نزیك له‌ عه‌لی خامنه‌یی رێبه‌ری كۆماری ئیسلامی ئێرانیش سزا دراون.

سزاكان له‌ لایه‌ن وه‌زاره‌تی گه‌نجینه‌ی ئه‌مه‌ریكا سه‌پێنراون و له‌ لیستی ره‌شی وه‌زاره‌ته‌كه‌ ناوی 10 كه‌س و به‌رپرس و 51 كۆمپانیای پێوه‌ندیدار به‌ عه‌لی خامنه‌یی به‌رچاو ده‌كه‌ون.

رۆڵی زۆری هه‌بووه‌ له‌ سه‌ركوتكردنی خه‌ڵك و گرتنی خۆپێشانده‌ران.
وه‌زاره‌ته‌كه‌ هۆكاری سزادانی وه‌زیری ئیتلاعاتی ئێرانی بۆ ئه‌وه‌ گه‌ڕاندووه‌ته‌وه‌ له‌ میانه‌ی خۆپێشاندانه‌كان رۆڵی زۆری هه‌بووه‌ له‌ سه‌ركوتكردنی خه‌ڵك و گرتنی خۆپێشانده‌ران.

ئه‌وانه‌ی ناویان له‌ لیسته‌كه‌دایه‌ هه‌ر شتێكیان له‌ ئه‌مه‌ریكا هه‌بێت ئه‌وا ده‌ستی به‌سه‌ردا ده‌گیرێت و بۆشیان نییه‌ هیچ گه‌شتێكی ئه‌مه‌ریكا بكه‌ن.

رۆیته‌رز نووسیویه‌تی له‌وانه‌یه‌ ئه‌وه‌ دواین گوشار بێت تره‌مپ به‌ر له‌ جێهێشتنی كۆشكی سپی بیخاته‌ سه‌ر ئێران.

به‌هۆی خۆپێشاندانه‌كانی ساڵی رابردوو هه‌زار و 500 كه‌س به‌ ته‌قه‌ی راسته‌وخۆی هێزه‌كانی ئێران كوژران.




وشە - سلێمان تاشان

ئه‌م بابه‌ته 93 جار خوێنراوه‌ته‌وه‌‌