ب مه‌ره‌ما رێزگرتن ل خه‌بات و قوربانیدانا وه‌رگێر و نڤیسه‌رێن ده‌ڤه‌را ئاكرێ، رێڤه‌به‌رییا ره‌وشه‌نبیری و هونه‌ری یا ئاكرێ هه‌ڤكاری ل گه‌ل بزاڤا ره‌وشه‌نبیری ل ئاكرێ حه‌فت وه‌رگێرێن ده‌ڤه‌را ئاكرێ خه‌لاتكرن.
كاوه زوهێر، رێڤه‌به‌رێ رێڤه‌به‌رییا ره‌وشه‌نبیری و هونه‌ری یا ئاكرێ بۆ "وشه" گۆت، ب مه‌ره‌ما رێزگرتن ل خه‌بات و قوربانیدانا نڤیسه‌ر و وه‌رگێرێن ده‌ڤه‌را ئاكرێ، ئه‌وان حه‌فت وه‌رگێر خه‌لاتكرن.
زێده‌تر گۆت" ئه‌ڤ خه‌لاتكرنه ژلایێ هه‌ر ئێك ژ رێڤه‌به‌رییا ره‌وشه‌نبیری و هونه‌ری یا ئاكرێ هه‌ڤكاری ل گه‌ل بزاڤا ره‌وشه‌نبیری ل ئاكرێ بویه بۆ هه‌ر ئێك ژ وه‌رگێران شەمال ئاکرەیی، بەرژەنگ بابەکر زێباری، سادق شۆشی، عەبدۆلا پیر، بەیار قەرەنی ، سەڤین رەشید و شهاب ئاکرەیی بوون كو روله‌كێ به‌رچاڤ ل ده‌ڤه‌رێ هه‌یه و خودان چه‌ندین به‌رهه‌من، دیسان سمناره‌ك ژی د چارچوڤێ خه‌لاتكردنێ دا بۆ وه‌رگێر شه‌مال ئاكری ل سه‌ر ته‌وه‌رێ ره‌وشا وه‌رگێرانێ ل ده‌ڤه‌رێ هاته رێكخستن"