ئه‌رێ غوده‌یا ژه‌هراوى نه‌خۆشیه‌كا مه‌ترسیداره‌؟

:: PM:12:51:21/11/2020 ‌
دیاره‌ هژماره‌كا زۆرا وه‌لاتیان ل سه‌رانسه‌رێ جیهان و كوردستانێ ژى غودده‌یا ژه‌هراوى بناڤێ غده‌ سامه‌) لده‌ڤ هه‌یه‌ و كارتێكرن ل سه‌ر ساخله‌میا وان كرینه‌، نوژداره‌ك به‌حس ل هنده‌ك شاشیان دكه‌ت كو ل بارا نه‌خۆشیا ناڤبرى هاتینه‌ گوتن.

دكتور عه‌دنان ئاكره‌ى، تایبه‌تمه‌ندێ نه‌شته‌رگه‌ریا گشتى و رێڤه‌به‌رێ نه‌خۆشخانا گولان ل ئاكرێ بۆ "وشه‌" گۆت، غودده‌یا ژه‌هراوى كو دهێته‌ نیاسین ب غده‌ سامه‌ ئێكه‌ ژ نه‌خۆشیێن به‌ربه‌لاڤ ل جیهان و كوردستانێ ژى.

زێده‌تر گۆت "دجڤاكێ مه‌ دا هنده‌ك دیتنێن نه‌رێنى بۆ نه‌خۆشیا ناڤبرى هه‌نه‌، ب نه‌خۆشیه‌ك مه‌ترسى دبینن، به‌لێ ئه‌ڤ یه‌ك وه‌سا نینه‌ و پرانیا وان كه‌سێن توشى ڤێ نه‌خۆشیێ دبن پشتى وه‌رگرتنا چاره‌سه‌ریا چاك دبن ڤه‌"

دكتورێ ناڤبرى دیاركر ژى كو ڕژیانا دەرەقی ئێکە ژ ڕژێنێن گرنگ یێن لەشێ مرۆڤی کو دکەڤیتە پێشیا حەفکێ و کارێ وێ بەرهەمدانا هندەک هوڕمونێن گرنگە کو دهاریکارن د پڕۆسا میتابولیزمێ دا ب گشتی و گۆت ژى "ئێک ژوان نه‌خۆشیێن تووشی ڤێ ڕژێنێ دبن زێدەبوونا ڕژیانا هوڕمونێن دەرەقی یە کو یا بەرنیاسە ب ژەهراویبوونا غوددێ كو ب عه‌ره‌بى دبێژنێ غده‌ سامه‌‌، پەیڤا (ژەهردار) تڕسێ دئێختە د دلێ گەلەک کەسان دا ژبه‌ركو یا ژوانڤە نەساخیەکا خڕاپە وگرانە، مینا پەنجەشێرێ، به‌لێ ئه‌ڤ یه‌ك وه‌سا ننیه‌ به‌لكو ژەهراویبوونا غوددا دەرەقی نه‌خۆشیه‌كه‌ وەک هەموو نه‌خۆشیێن دی ودهێتە چارەسەرکرن تەنانەت بێی نشتەرگەری کو پێکهاتییە ژ دانا حەبکێن دژی ڕژیانا دەرەقی ژبوی کێمکرنا هوڕمونێن دەرەقی دخوێنێ دا بۆ ماوێ نێزیکی شه‌ش هەیڤان"

ژ گرنگترین نیشانێن ئه‌ڤێ نه‌خۆشیێ، هانتەخوار یا سەنگا لەشێ مرۆڤى، هەرچەندە گەلەک خوارنێ دخۆت،  دل قوتان وخوهدانا زێدە، هەستکرنا بەردەوام ب گەرماتیێ و هەردەم حەز ژ جهێن تەزی دکەت، دەست لەرزین، توڕەبوون، دەرهاتنا چاڤان ب تایبه‌تى د حالەتێن دژواردا، ستوویربوونا ڕژیانا دەرەقی کو دبێژنێ پەریزادە مەرج نینە لدەڤ وان نه‌خۆشیان هەبیت، ئاكره‌ى هوسا گۆت.

ل دوماهیێ گۆت "پتریا ئەگەرێن ڤێ نه‌خۆشیێ دزڤڕن بۆ نه‌خۆشیێن سیستەمێ بەرگریێ و فاکتەرێن جینی و کێمبوونا ماددێ یودێ د خوارنێ دا، ئه‌و ژى ب ڕێژەیەکا گەلەکا کێم، دبیت ژبەر گرێکێن غوددێ بیت، و دبیت هندەک ژوانان گرێکێن خراپ بن ئانکو پەنجەشێرە بن، بەلێ ب گشتی غودده‌یا سام دهێتە چارەسەرکرن هەرچەندە ‌هندەک جاران یا بزەحمەتە ژى"


وشە - نەوزاد هلۆری

ئه‌م بابه‌ته 267 جار خوێنراوه‌ته‌وه‌‌