عێراق.. مردن بەهۆی كۆرۆنا لە 12 هەزار حاڵەت نزیك دەبێتەوە

:: PM:03:52:22/11/2020 ‌

بڵاوبوونەوەی پەتای كۆرۆنا لە دنیا بەردەوامە و بەپێی دوایین زانیاری ژمارەی تووشبوون لە دنیا گەیشتووەتە زیاتر لە 58 ملیۆن و 614 هەزار حاڵەت، مردنیش لە سەرووی ملیۆنێك و 388 هەزار حاڵەتە، وەزارەتی تەندروستی عێراق رای گەیاند، لە 24 سەعاتی رابردوودا 1766 حاڵەتی تووشبوون و 33 حاڵەتی مردن تۆمار كراوە.
تووشبوون گەیشتووەتە 535321 حاڵەت
بەپێی راگەیەندراوێكی وەزارەتەكە ئەمڕۆ یەكشەم هاتە بڵاوكردنەوە، لە 24 سەعاتی رابردوو 23914 پشكنین لە تاقیگە تایبەتەكان ئەنجام دراون و 1766 حاڵەتی تووشبوون تۆمار كراوە، 473 لە بەغدا و 193 لە هەولێر و 113 دهۆك و 189 لە سلێمانی و 140 لە كەركووك و 54 لە سەڵاحەدین و 30 لە بەسڕە و 73 لە واست و 117 لە دیالە و 56 لە نەجەف و 13 لە میسان و 84 لە بابل و 11 لە كەربەلا و 32 لە زیقاڕ و 13 لە دیوانییە و حەفت لە موسەنا و 65 لە ئەنبار و 103 لە نەینەوا.

هەروەها 2412 حاڵەتی چاكبوونەوە هەبووە، 957 لە بەغدا و 229 لە دهۆك و 108 لە كەركووك و 79 لە سلێمانی و 116 لە هەولێر، جیا لە تۆماركردنی 33 حاڵەتی مردن 10 لە سلێمانی و چوار لە دهۆك و پێنج لە كەركووك و سێ لە هەولێر، كۆی تووشبوون لە عێراق گەیشتووەتە 535321 حاڵەت و چاكبوونەوەیش 465452 حاڵەتە و مردنیش گەیشتووەتە 11958 حاڵەت.



وشە - مه‌حموود ئیسماعیل

ئه‌م بابه‌ته 29 جار خوێنراوه‌ته‌وه‌‌