پارێزگارێ دهۆكێ سێ په‌رتووكێن نوو به‌لاڤكرن

:: PM:05:25:22/11/2020 ‌
پروفیسور دكتور عه‌لی‌ ته‌ته‌ر، كو ئێكه‌ ژ نڤیسه‌رێن پارێگه‌ها دهۆكێ و نوكه‌ پارێزگارێ دهۆكێ یه‌، ئه‌ڤرۆ سێ په‌رتووكێن نوو به‌لاڤكرن كو تایبه‌تن ل سه‌ر دیرۆكا كوردستانێ.

مله‌ت عسمه‌ت، سكرتێرێ رۆژنامه‌ڤانیێ پارێزگارێ دهۆكێ بۆ "وشه‌" گۆت، ئه‌ڤرۆ سێ په‌رتووكێن نوو ژلایێ پروفیسور دكتور عه‌لی‌ ته‌ته‌ر، پارێزگارێ دهۆكێ هاتنه‌ چاپ و به‌لاڤكرن.

زێده‌تر گۆت "هه‌ر سێ په‌رتووك ژی‌ په‌رتوكێن دیرۆكی‌ نه‌ و بۆ ئێكه‌مجاره‌ د ناڤه‌رۆكا ئه‌وان په‌رتوكان دا هنده‌ك لایه‌نێن دیرۆكی‌ ل دیرۆكا كوردستانێ دهێنه‌ ئاشكرا و به‌لاڤكرن، په‌رتووك ژلایێ ده‌زگه‌هێ سپیرێز یێ چاپ و وه‌شانێ هاتینه‌ چاپكرن و به‌لاڤكرن، و ل پرانیا په‌رتووكخانێن دهۆكێ خوانده‌ڤان دشێن ده‌ستخوڤه‌ بینن"

په‌رتووكا ئێكێ بناڤێ کوردستانا دێرین، چەند ڤەکولینەک ل دۆر دەولەت، نەژاد، کۆلتۆر و دینێن کوردستانا دێرین، په‌رتووكا دوویێ بناڤێ کوردستان د مێژوویا نوو دا هژمارەکا ڤەکۆلینێن نوی و کەڤن بخو ڤەدگریت، ڤەکولینێن کەڤن بەرفرەهتر و کوورتر هاتینە نڤیسین، و په‌رتووكا سێیێ ژی‌ بناڤێ کوردستان دمێژوویا هەڤچەرخ دا، چەند ڤەکۆلینێن نوی ل گۆڤارێن جیهانی هاتینە بەلاڤکرن دڤێ پەرتوکێ دا هەنە، مله‌تی‌ هوسا گۆت.

پروفیسور دكتور عه‌لی‌ ته‌ته‌ر، ده‌سته‌كێ باش یێ نڤیسانێ هه‌یه‌ و تایبه‌تمه‌ندێ دیرۆكی‌ یه‌، پیشتر ژی‌ چه‌ندین په‌رتووك به‌لاڤكرینه‌.

دهۆك/ نه‌وزاد هلۆری‌


وشە - وشه‌

ئه‌م بابه‌ته 159 جار خوێنراوه‌ته‌وه‌‌