ژ ئەگەرێن نەدیار ددەما 24 دەمژمێرێن بوری ل سنورێ پارێزگەها دهۆکێ پێنج کەسان خوە کوشتیە و هاتینە کوشتن، داوی روودان ژی دەمەکێ کێم بەری نوکە گەنجەک ل ناوچەدارییا روڤیا هاتە کوشتن، ئەڤە ددەمەکێ دایە کو سالا بوری هەمویێ پتری 70 کەس هاتینە کوشتن و خوە کوشتیە.
ب گورەی پێزانینێن وشە، ددەما 24 دەمژمێرێن بوری پێنج کەس ل پارێزگەها دهۆکێ هاتینە کوشتن و خوە کوشتیە کو دناڤبەرا ژیێ 18 سالی بو 50 ساڵی بوون، دوو ژ وان ژ رەگەزێ مێ بوون.
دوو کچێن ئێزدی ل سنورێ ناوچەدارییا شاریا، گەنجەک ژی ل ناوچەدارییا مسێریکێ خوە کوشتیە، دیسان وەلاتیەک ل ناوچەدارییا کانی ماسێ و ئیک ژی ل ناوچەدارییا روڤیا هاتینە کوشتن.
هەتا نوکە پولیسێن پارێزگەها دهۆکێ چو پێزانین ل سەر هەر پێنج روودانان ەلاڤ نەکرینە.
ب گورەی داتایێن رێڤەبەرییا گشتییا پۆلیسێن پارێزگەها دهۆکێ ژی، سالا بوری 30 کەس هاتینە کوشتن و 41 کەسان ژی خوە کوشتیە، پرانیا وان ژی ژ رەگەزێ نێربوون.