رەوشا کاری ل پارێزگەها دهۆکێ هەمبەری پارێزگەهێن دی یێن هەرێما کوردستانێ کێمترە، ژبەرکو 25 هزار کەسێن خودانکار ل پارێزگەها دهۆکێ خەلکێ پارێزگەهێ نینن، ماموستایەکێ زانکۆیا دهۆکێ ژی ئامارا ئاستێ کاری ل پارێزگەها دهۆکێ دیار دکەت.
كوڤان تهها، ماموستایێ زانكۆیا دهۆکێ بۆ "وشە"گوت، ژ وان كهسێن كو ل پارێزگهها دهۆكێ كاردكهن، 25 هزار كهس خودان كارن و خهلكێ پارێزگهها دهۆكێ نینن، دیسان، هێزا كاری ل پارێزگهها دهۆكێ 57% ، پشكداریا ئابووری ل پارێزگهها دهۆكێ نێزیکێ 40% یە، بێكاری ل پارێزگهها دهۆكێ 13،8% و 65% ئهو كهسێن ل پارێزگهها دهۆكێ كاردكهن ل كهرتێ گشتی كار دكهن، ئهوێن ل كهرتێ تایبهت ژی كاردكهن 31% بخوڤە دگریت، ئهوێن ل تێكهل ژی كار دكهن 4% یه.
ل بارا جورێ كاری و هژمارا ئاكنجیێن پارێزگهها دهۆكێ و ههرێما كوردستان و ژیێ خهلكێ پارێزگهها دهۆكێ ژی، ناڤبری گۆت، 7،96% ژ وان كهسێن ل پارێزگهها دهۆكێ ل كهرتێ تایبهت كار دكهن بازرگان و خودانكارن د ژورا بارزگانی دا، نێزیکێ 17% ژی شوفێرێن تهكسی و ترومبێلێن كاری نه، نێزیکێ 12% ژی كرێكارێن ئاڤاكرنێ و خزمهتگۆزارن، نێزیکێ 6% ژ وهكو جوتیار و كرێكار د كهرتێ چاندنێ دا كار دكهن، كارمهندێن پێشهسازی ژی نێزیکێ 4% بخوڤه دگرن، دیسان نێزیکێ 20% ژ وان كهسێن ل كهرتێ تایبهت كار دكهن دوكاندارن، د سكتهرێ گهشتوگۆزاری ژی دا مینا هاڤینگهه و خارنگهه و ئوتێل و موتێل وهكو كاركهر دبنه نێزیکێ 7% و كرێكار دوارێن جودا ژی دبیته نێزیکێ 16% و ئهگهر ئهم سهحا دابهشكرنا ئاكنجیێن پارێزگهها دهۆكێ ب گورهی تهخ و چین بكهین، دێ بینین كو نێزیکێ 40% ژ وان كهسان بخوڤه دگرن كو دكهڤنه دناڤبهرا ژیێ ئێك رۆژی بۆ 14 سال، ئهوێن دكهڤنه د ناڤبهرا ژیێ 15 سالی بۆ 64 سالی ژی دبیته رێژا 57% دیسان نێزیکێ 3% ژی ژ خهلكێ پارێزگهها دهۆكێ دكهڤنه سهر ژیێ 69 سال، پارێزگهها دهۆكێ ب گشتی ژی هژمارا وان ملیونهك و 648 هزار و 611 كهسن ب گورهی ئامارێن سالا 2020ێ.