سیستمی ئیڤاپ له‌ناو ئۆتۆمبێلدا چییه‌؟

:: PM:03:19:11/01/2021 ‌

شاره‌زایه‌كی میكانیك ئاشكرای كردووه‌، ئیڤاپ بریتییه‌ له‌ سیستمێك هه‌ڵده‌ستێت به‌ گێڕانه‌وه‌ی هه‌ڵمی به‌نزین بۆ باری ئاسایی خۆی و پاشان ناردنی بۆ به‌خاخ. 

هاوكار حه‌مه‌ده‌مین ئه‌ندازیار و شاره‌زای میكانیك له‌باره‌ی كه‌ ئه‌م سیستمه‌ له‌ چی پێك دێت، بۆ ''وشه‌'' ده‌ڵێ، سیستمی ئیڤاپ پێكدێت له‌ چه‌ند جاینێك یان سۆنده‌یه‌ك له‌ نێوان تانكی و قوتووی چاركول یان چاركول و سولینۆیده‌كان، كه‌ چاركول قوتوویه‌كه‌ ده‌نكۆڵه‌ خه‌ڵووزی تێدایه‌ بۆ هه‌ڵمژینی هه‌ڵمی به‌نزین.

ئه‌وه‌یشی گوتووه‌ كه‌ له‌م به‌شانه‌ پێك دێت، ''دوو سوڵینۆید، سوڵونۆیدی هه‌وا vent solenoid، سوڵونۆیدی هه‌ڵمی به‌نزینی گۆڕاو purge solenoid، سێنسه‌ری دووكه‌ڵ و هه‌وای پیس emission flow sensor.

ئەوەیشی ئاشکرا کرد کە ئەو کێشانەی ڕووبەڕووی ئەم سیستمە دەبنەوە برییتین لەمانەی خوارەوە:

یه‌كه‌م - كه‌مبوونه‌وه‌ی توانای قوتووی چاركول.

دووه‌م - بوونی كێشه‌ له‌ هه‌ردوو سولینۆیده‌كه‌.

سێیه‌م - بوونی كێشه‌ی كاره‌بایی له‌ هه‌ردوو سولینۆیده‌كه‌.

چواره‌م - تێكچوونی سێنسه‌ری emission flow.

پێنجه‌م - دروستبوونی كێشه‌ی كاره‌با له‌ سێنسه‌ره‌كه‌.

شه‌شه‌م - بوونی لیك له‌ سۆنده‌كانی یان شكانی قوتووی چاركول.
 
ئه‌و شاره‌زایه‌ ده‌ڵێ، ئایا سووده‌كانی ئه‌م سیستمه‌ چین؟

یه‌كه‌م - پاراستنی ئۆتۆمبێل له‌ گڕگرتن و دزه‌كردنی هه‌ڵمی به‌نزین و بۆنی ناخۆش. 

دووه‌م - پاراستنی به‌ فیڕۆچوونی به‌نزین و دووباره‌ به‌كار هێنانه‌وه‌ی.




وشە - ڕۆزی عه‌بدولره‌حمان

ئه‌م بابه‌ته 231 جار خوێنراوه‌ته‌وه‌‌