نێچیرڤان بارزانی سه‌رۆكی هه‌رێمی كوردستان، پێشوازی له شهاب جاهد زه‌نگه‌نه، فه‌رمانده‌ی هێزی ئاسمانیی عێراق كرد.
به‌گوێره‌ی هه‌واڵێكی ماڵپه‌ڕی سه‌رۆكایه‌تی هه‌رێمی كوردستان، له دیدارێكدا نێچیرڤان بارزانی به‌بۆنه‌ی به‌رزبوونه‌وه‌ی پله‌كه‌ی و ده‌ستبه‌كاربوونی وه‌ك فه‌رمانده‌ی هێزی ئاسمانیی عێراق، پیرۆزبایی له شهاب جاهد كرد و هیوای سه‌ركه‌وتنی له ئه‌رك و پۆستی تازه‌یدا بۆ خواست.
نێچیرڤان بارزانی دووپاتی له ڕۆڵی سوپای عێراق وه‌ك سوپایه‌كی نیشتمانی بۆ پارێزگاری و به‌رگریكردن له وڵات و به‌ره‌نگاربوونه‌وه‌ی تیرۆر كرده‌وه
نێچیرڤان بارزانی دووپاتی له ڕۆڵی سوپای عێراق وه‌ك سوپایه‌كی نیشتمانی بۆ پارێزگاری و به‌رگریكردن له وڵات و به‌ره‌نگاربوونه‌وه‌ی تیرۆر كرده‌وه و یادی 100 ساڵه‌ی دامه‌زراندنی له سوپا پیرۆز كرد.
وه‌ك له راگه‌یه‌نراوه‌كه‌دا هاتووه، شهاب جاهد زه‌نگه‌نه، فه‌رمانده‌ی هێزی ئاسمانیی عێراق، سوپاس و پێزانینی خۆی بۆ سه‌رۆكی هه‌رێمی كوردستان بۆ پێشوازیكردنی ده‌ربڕی.