ئه‌مڕۆ ریال مه‌درید بۆ گه‌یشتن به‌ فایناڵ پێكهاته‌یه‌كی به‌هێزی راگه‌یاندووه‌

ریال مه‌درید له‌م وه‌رزه‌دا له‌ لالیگا توانی به‌ ئه‌نجامی 3-1 گۆڵ له‌ بیلباو بباته‌وه‌
:: PM:03:06:14/01/2021 ‌
ئه‌مڕۆ یاریی دووه‌می پێش كۆتایی جامی سوپه‌ری ئیسپانیا له‌ نێوان ریال مه‌درید و ئاتلێتیك بیلباو ئه‌نجام ده‌درێت و براوه‌یان ده‌گاته‌ یاریی كۆتایی.

ئه‌مشه‌و سه‌عات 23:00 به‌ كاتی هه‌ولێر، له‌ یاریگه‌ی لا رۆزالیدا له‌ ماله‌گه‌، هه‌ردوو یانه‌ی ریال مه‌درید و ئاتلێتیك بیلباو له‌ یاریی پێش كۆتایی جامی سوپه‌ری ئیسپانیا به‌یه‌ك ده‌گه‌ن.

پێكهاته‌ی پێشبینیكراوی ریال مه‌درید له‌ لایه‌ن میدیاكانی ئیسپانیا بڵاوبووه‌ته‌وه‌، كه‌ پێكهاته‌یه‌كی به‌هێزه‌ و ئاماژه‌یه‌ بۆ ئه‌وه‌ی، زیدان ده‌یه‌وێت تیپه‌كه‌ی بباته‌ یاریی كۆتایی، چونكه‌ هه‌ریه‌كه‌ له‌ هازارد و ئاسێنسیۆی به‌ شێوه‌ی سه‌ره‌كی داناوه‌.

پێكهاته‌كه‌ به‌م شێوه‌یه‌یه‌:
گۆڵپارێز: كۆرۆتوا.
به‌رگری: رامۆس، ڤاران، مێندی و ڤاسكێز.
ناوه‌ڕاست: تۆنی كرووس، مۆدریچ و كاسیمێرۆ.
هێرشبردن: هازارد، بنزێما و ئاسێنسیۆ.

براوه‌ی یارییه‌كه‌ ده‌گاته‌ یاریی كۆتایی و له‌وێدا رووبه‌ڕووی بارسێلۆنا ده‌بێته‌وه‌، كه‌ ئه‌ویش شه‌وی رابردوو له‌ ریال سۆسیدادی برده‌وه‌.

ریال مه‌درید له‌م وه‌رزه‌دا له‌ ركابه‌رییه‌كانی لالیگا توانی به‌ ئه‌نجامی 3-1 گۆڵ له‌ بیلباو بباته‌وه‌ و ئاستێكی به‌رزی به‌رامبه‌ر ئه‌و تیپه‌ پێشكه‌ش كرد.

جه‌ماوه‌ری وه‌رزشی چاوه‌ڕێی بردنه‌وه‌ی ریال مه‌درید ده‌كه‌ن، بۆ ئه‌وه‌ی یاریی كلاسیكۆی سوپه‌ری ئیسپانیا ئه‌نجام بدرێت، كه‌ رۆژی یه‌كشه‌می داهاتوو یاریی كۆتایی ده‌كرێت.





وشە - ئەرسەلان عەبدوڵا

ئه‌م بابه‌ته 70 جار خوێنراوه‌ته‌وه‌‌