لە گرتووخانەیەكی نایجریا، هەزار و 800 كەس لە سزادراوان كە حوكمی كورتخایەن و درێژخایەنیان هەبووە، توانیان خۆیان رزگار بكەن و هەڵاتنەكەش بە هاوكاری گرووپێكی چەكداری جوداخواز بووە.
گرووپێكی چەكدار پێشتر هاوئاهەنگییان لەگەڵ بەشێك لە سزادراوان هەبووە، لە كاتێكی دیاریكراودا هێرش دەكەنە سەر گرتووخانەكە و بە تەقاندنەوەی دەرگای سەرەكیی گرتووخانەكە، دەتوانن سەرجەم سزادراوان رزگار بكەن.
تەنیا شەش كەس دوای هەڵاتن خۆیان رادەستی پۆلیسی وڵاتەكە كردووەتەوە
لە هەموو ئەو سزادراوانە كە ژمارەیان هەزار و 800 كەس بووە، تەنیا شەش كەس دوای هەڵاتن خۆیان رادەستی پۆلیسی وڵاتەكە كردووەتەوە، 35 كەسی تریش هەر لە گرتووخانەكە مابوون و لەگەڵ هەڵاتووەكان نەبوون.
بە گوتەی پۆلیسی نایجریا، گرووپی جوداخوازی بیافرا دەستی لەو هێرشەدا هەبووە، بەڵام گرووپەكە ئەم تۆمەتەی رەت كردووەتەوە.
فەرمانگەی گرتووخانەكانی نایجریاش ئاماژەی داوە، بە گشتی هەزار و 844 كەس لە گرتووخانەكە هەڵاتوون و پۆلیس دەستی بە لێكۆڵینەوە كردووە و لە هەوڵی ئەوەدایە، بتوانێ دووبارە ئەوانە بگرێتەوە كە هەڵاتوون.
ئەو گرووپەی هێرشەكەی كردووە، چەكی قورسیان پێ بووە
بەگوێرەی
بی بی سی، ئەو گرووپەی هێرشەكەی كردووە، چەكی قورسیان پێ بووە و بە پاس و پیكاب هەڵیانكوتاوەتە سەر گرتووخانەكەوە.
محەمەد بوهاری سەرۆك كۆماری نایجریا ئەو هەنگاوەی بە كارێكی تیرۆریستی هەژمار كردووە . ئەو داوای هەرچی زوو گرتنی ئەو كەسانەی كردووە كە هەڵاتوون.