ستار شەعبان، سەرپەرشتێ تیما كەرەنتین ل گوندێ داودێ بو "وشە" گوت، ژ ئەگەرێ بلندبوونا حالەتێن تووشبوون ب كۆرۆنایێ، ب بریارا ساخلەمیا دهۆكێ گوندێ داودیێ ب تمامی هاتە كەرەنتین كرن.
بۆ دەما 14 رۆژان پشكنین و چاڤدێری و چارەسەریا خەلكێ گوندێ ناڤبری هێتەكرن
زێدەتر گوت، رەوشا ساخلەمیا رونشتڤانێن گوندی زور خراپە و ژ كوما نێزیكێ 250 كەسان، پتری 100 كەس تووشی كۆرۆنایێ بوون، جهێ داخێ یە دوو ژ وان گیانێ خوە ژ دەست دا.
ناڤبری دیاركر ژی كو بۆ دەما 14 رۆژان دێ ب رێیا تیمەكا تایبەت و ب ئەمبولانسێ پشكنین و چاڤدێری و چارەسەریا خەلكێ گوندێ ناڤبری هێتەكرن.
گوندێ دودیێ ئێكە ژ گوندێن كریستیانان ل ناوچەدارییا بامەڕنێ.