وهكو رَزگرتن بۆ خهبات و قوربانیدانا هونهرمهندێ نهمر ئهردهوان زاخۆیی سهندیكا هونهرمهندێن كورستانێ ل زاخۆ گورهكێ تایبهت بۆ هونهرمهندێ ناڤبری دروستكر.
دچارچوڤێ رێورسمێن چێكرنا گوری دا ئهڤین بوتی سهرۆكا سهندیكا هونهرمهندێن كوردستانێ ل دهۆكێ دیاركر كو سهندیكا هونهرمهندێن كوردستانێ ل زاخۆ ئهركێ دروستكرنا هێمایهكێ وهكو گور بۆ هونهرمهندێ نهمر ئهردهوان زاخۆیی ب ستویێ خوڤه گرت و گۆت: (ئهڤ گوره ل گورستانا زاخۆ یا كهڤن هاتیه چێكرن، جهێ داخێ یه ئهڤه 35 سال بورین و هێشتا تهرمێ ئهردهوان نههاتیه دیتن كو ژلایێ رژێما بهعس هاتبویه بێ سهر و شوێن كرن، پشتی كو رهزامهندیا ئهوقاف و كاروبارێن ئاینی و باژێرڤانیا زاخۆ و ئالیێن پهیوهندیدار و مالباتا هونهرمهندێ ناڤبری هاتیه وهرگرتن هاتیه چێكرن).
ئهردهوان زاخۆیی خزمهتهكا ههری بهرچاڤ بۆ هونهرێ كوردستانێ كریه
زێدهتر گۆت: (ئهردهوان زاخۆیی خزمهتهكا ههری بهرچاڤ بۆ هونهرێ كوردستانێ كریه و خودان چهندین بهرههمێن هونهری یه و دهنگهكێ خوش ههیه و ههتا نوكه ژی ستران و كارێن وی دناڤ خهلكی دهێنه بهلاڤكرن و حهژێكهرێن زۆر ههنه).
ئهردهوان زاخۆی ل رۆژا 1/7/1957 ژ دایكبویه و ل رێكهفتی 29/1/1986 بێ سهر و شوێن دبیت و ههتا نوكه ژی تهرمێ وی نههاتیه دیتن.