مه‌سروور بارزانی‌ پێشوازی له‌ پاڵه‌وانیی ئاسیا بۆ له‌شجوانیی ده‌كات

:: PM:05:42:25/11/2021 ‌
مه‌سروور بارزانی سه‌رۆكی حكوومه‌تی هه‌رێمی كوردستان پێشوازی له‌ یاریزان حجی عه‌بدولسه‌لام ڕێكانی پاڵه‌وانیی ئاسیا بۆ له‌شجوانیی كرد كه‌ به‌م دواییانه‌ مێدالی زێڕینی له‌ پاڵه‌وانێتی له‌شجوانی ئاسیا له‌ به‌یرووتی پایته‌ختی لبنان به‌ده‌ستهێنا.

ئه‌مڕۆ پێنجشه‌م 25ی‌ تشرینی‌ دووه‌م، به‌گوێره‌ی‌ راگه‌یه‌نراوێكی‌ حكوومه‌ت، سه‌رۆكی حكوومه‌ت، پیرۆزبایی و ده‌ستخۆشی له‌ یاریزان حجی ڕێكانی كرد و هیوای سه‌ركه‌وتنی بۆ خواست و پاڵپشتیی حكوومه‌تی هه‌رێمی كوردستانیشی بۆ یاریزانانی كوردستان و بواری وه‌رزشی به‌ گشتی دووپات كرده‌وه‌.

پێشتر پاڵه‌وانیی ئاسیا بۆ له‌شجوانی‌ سه‌ردانی‌ پارێزگاری‌ دهۆكی‌ كرد، هاوكات له‌ ئاكرێ‌ له‌لایه‌ن هاووڵاتییانه‌وه‌ پێشوازییه‌كی‌ گه‌رمی‌ لێ‌ كرا.


وشە - سه‌رخێڵ هاشم