كچه‌كا ئێزدی بناڤێ جیلان به‌رجه‌س كو پێشتر پێخه‌مه‌ت پاراستنا ناموسا خوه داكو نه‌كه‌ڤیته ده‌ست داعشێ دوماهی ب ژیانا خوه ئینا، ژبه‌ركو ئه‌و بویه سومبولا كچێن ئێزدی كو ناموسا خوه پاراستی ئه‌ڤرۆ په‌یكه‌ره‌ك بۆ هاته چێكرن.
مه‌روان داود، چالاكڤانه‌كێ ئێزدی یه ل دهۆكێ بۆ "وشه" گۆت، ئه‌ڤرۆ ل ناوچه‌دارییا گرعوزێر یا سه‌ر ب ده‌ڤه‌رداریا شنگالێ ب ئامادبونا هژماه‌ره‌كا زوۆر یا په‌رده ل سه‌ر په‌یكه‌رێ جیلان به‌رجه‌س هاته لادان.
جیلان ژ دایک سالا 1995 یه وقوتابی بوو ل پولا 11ـێ زانستی و ئیک ژ قوتابیێن هەرێن زیرەک بوو
زێده‌تر گۆت، جیلان ژ دایک سالا 1995 یه وقوتابی بوو ل پولا 11ـێ زانستی و ئیک ژ قوتابیێن هەرێن زیرەک بوو ل شنگالێ، لرۆژا 3ێ ئاب یا سالا 2014ـێ جیلان ل گەل هەموو مالبەتە خوە دکەڤێتە دەستێ داعش و ل بەر چاڤێن وێ پتریا ئەندامێن خێزانا وێ دهێنە شەهیدکرن ل دەمێ دابەشکرنا دەستکەفتێێن شەڕی، دناڤ کچێن ڕەڤاندیێن ئێزدیێن شنگالێ، ئەمیرەکی دەولەتا ئیسلامی یا بناڤ داعش چاڤێ وی دچیتە سەر جیلان. جیلان وەستایی و ڕەڤین و زێندانییە، دوو هەفتی زێدەتر هەیە ئاڤ ب چاڤان نەکەفتییە، پرچا وێ تەڤلیهەڤە و جلووبەرگێن وێ تەمام دژوون بوون، بەلێ هەر ب ڤێ ڕەوشێ ڤە ژ تەماعا چەکدارێن داعش ڕزگارنەبوو، رۆژا 20 ئاب یا سالا 2014 ـێ دبێتە دوماهیک ڕۆژ ژ ژیانا جیلانە تەمەن 19 سالی و ئەو کوێلاتی و دەستدرێژیا داعش ل سەر خوە قەبول نەکەت و داوی ب ژیانا خوە دئینێت.
وه‌كو كه‌سوكارێن ڤێ ڤه‌دگه‌رینن كو دوماهی ئاخفتنیچن جیلانێ ئه‌وبوون كو گوتبو، بلا ئەز بمرم ژی بەس ڕێکێ نادەم کەس دەستدرێژیێ بکەتە سەر من و ببمە کوێلا، پشتی ڤێ گوتنێ جیلان دەمارێن دەستێن خوە دبڕێت و گیانێ خوە ژ دەست ددەت، ئەڤ چیرۆکا تراژیدی یا جیلانێ نهو دناڤ ئێزدیان دا ب شانازیڤە دهێتە بەحسکرن، ئیرۆ ل رێککەفتی ی دیسمبەر ل ناوچه‌دارییا گرعزێر ل بەر دەنگێ دەف و شبابا و موزیکا رەسەن یا ئێزدیان ب ئامادەبوونا هژمارەکا مەزن ژ خەلکێ پەڕدا ژ سەر پەیکەرێ وێ هاتە راکرن و ب سمبولا خوڕاگریێ هاتە ناڤکرن.