پشتی کو نووچەیێ نەخوش کەفتنا سەدان قوتابیان ل زانکۆیا دهۆکێ ژبەر خوارنێ بەلاڤبوی، سەرۆکاتیا زانکۆیا دهۆکێ دیارکر کو لژنەک بو دوڤچونا ئاریشێ هاتیە پێکئینان و ئەوێن خەمساری کری دێ هێنە سزادان.
ئیبراهیم بازی، بێ ئێک ژ قوتابیان دیارکر کو بۆ دەما دوو روژایە کورێ وی ل نەخوشخانێ هاتیە نڤاندن و گوت، ئەڤرۆ من کورێ خوە ل نەخۆشخانێ دەرئێخست، بەلێ جهێ داخێ یە ژبەر نەخۆشیێ نەشێت بچیتە دەوامێ، بەردەوام زکێ وی دچیت و دلێ وی رادبیت.
زێدەتر گوت، کورێ من خوارن ل کافیتریا کولیژێ خواریە، ئەم نوزانین چ جورە خوارن بویە یان خراپ بویە یان ژی کا کاڤنە و گەرم کریه، بەلێ دڤێت جهێن شولەژێ دوڤچونێ لسەر بکەن.
ئه‌ڤ كه‌یسه دێ بیته پێنگاڤه‌ك كو دویڤچوونێن هویرتر بهێنه ئه‌نجامدان بۆ پتر بلندكرنا ئاستێ ساخله‌میێ ل زانكۆیێ.
ژێدەرەکێ ل زانکۆیا دهۆکێ دیارکر کو پشتی نه‌خۆش كه‌ڤتنا هژماره‌كا قوتابیێن كولیژه‌كا زانكۆیا دهۆكێ، ژ ئه‌گه‌رێ خوارنێ ل یانه‌یا وێ كولیژێ، سه‌رۆكاتیا زانكۆیا دهۆك و ب رێكا رێڤه‌به‌‌رییا ساخەمیا پارێزگەها دهۆکێ و رێڤەبەریا خوەپاراستنێ لیژنه‌یه‌ك پێكئینا و ب گرنگی دویڤچوون لدۆر ڤی بابه‌تی كریە و گۆت،لیژنێ پشتی دویڤچوونا بابه‌تی کری، راپۆرته‌ك بۆ سه‌رۆكاتیا زانكۆیێ ئاماده‌كر‌یه، پشتی پێداچوونا ڤێ راپۆرتێ ژی، هه‌ر خه‌مسارییه‌ك، دێ هه‌ژی سزادانێ بیت. و ژبه‌ركو ساخله‌مییا قوتابییان ژ خالێن هه‌ری گرنگن، ئه‌ڤ كه‌یسه دێ بیته پێنگاڤه‌ك كو دویڤچوونێن هویرتر بهێنه ئه‌نجامدان بۆ پتر بلندكرنا ئاستێ ساخله‌میێ ل زانكۆیێ.
پتری 150 قوتابی ل هەردوو کولیژێن زانست و پەروەردا بنیات توشی نەخوشی بوینە، ژ وانان 80ێ قوتابی ل نەخوشخانێن حوکمی ل دهۆکێ هاتینە چارەسەرکرن و ئەوێن دن ژی ل کلینیک و نەخوشخانێن تایبەت چوینە وەرگرتنا چارەسەریان.