پشتی وەغەرکرنا نڤیسەرێ ناسیارێ پارێزگەها دهۆکێ، ئیسماعیل جانگیر، رێڤەبەریا گشتی یا رەوشەنبیری و هونەری دێ هەشت پەرتووکێن وی چاپ و بەلاڤ کەت.
حەسەن فەتاح، پەیڤدارێ رێڤەبەریا گشتی یا رەوشەنبیری و هونەری ل پارێزگەها دهۆکێ بۆ "وشە" گوت، ب مەرەما چاپ و بەلاڤکرنا پەرتووکێن نڤیسەرێ وەغەرکری ئیسماعیل تاهر جانگیر، وەکو رێڤەبەریا گشتی یا رەوشەنبیری و هونەری مە کومونەکا تایبەت ئەنجم دا و تێدا بەحس ل پەرتووکێن ناڤبری و مکانزما چاپ و بەلاڤکرنا وان کر.
زێدەتر گوت، ئەم گەهشتین ئەنجام کو هەشت پەرتووکێن وی بهێنەچ چاپ و بەلاڤکرن کو د وەختێ خوە دا وی نڤیساینە، بەلێ نەگەهشت چاپ و بەلاڤ بکەت.
ناڤبری دیارکر ژی کو ژبلی پەرتووکان دێ چەند چالاکی ژی بو نڤیسەرێ وەغەرکری هێنەکرن و گوت ژی، د چەند کورتە پانێلان دا دێ بەحس ل رۆلێ وی دبیاڤێن جودایێن، ئیداری، رەوشەنبیری و جڤاکی دا هێتەکرن، ئەڤ چالاکیە ل رۆژا سێشەمبی 25/1/2022 ل هولا زانکۆیا نەورۆز دێ هێتە گێران.
دهۆک، نەوزاد هلۆری: