ل سنورێ پارێزگهها دهۆكێ هزار و 166 نهخوشێن تالاسیمایێ ههنه، بهلێ چارهسهرى ب تنێ بۆ 83 ژ وان ل دهرڤه هاتیهكرن، رێڤهبهرێ گشتیێ ساخلهمیا پارێزگهها دهۆكێ ژى دیاركر كو د نوكه دا سهنتهرهكێ تایبهت ب چاندنا مهژیێ ههسپى بۆ نهخوشێن تالاسیمایێ ل دهۆكێ دهێته چێكرن.
دكتور ئهڤراسیاب موسا، رێڤهبهرێ گشتیێ ساخلهمیێ ل پارێزگهها دهۆكێ گۆت، نهخوشیا تالاسیمایێ ئێكه ژ نهخوشیێن خوینێ و ل دهمێ پهیدابوونێ یان ژى ویراسى ل دهڤ زاروكان پهیدا دبیت، كارتێكرنێن ساخلهمى و دهروونى ل سهر وان دروست دكهت، ل سهر مالباتێن وان و حوكمهتێ ژى بارگانیا دارایى دروست دكهت.
زێدهتر گۆت، ل سنورێ پارێزگهها دهۆكێ ههتا نوكه هزار و 166 نهخۆشێن تالاسیمایێ هاتینه توماركرن، تاكه چارهسهرى چاندنا مهژیێ ههستى یه، ههتا نوكه چاندنا مهژى بۆ 83 نهخۆشان ل دهرڤهیێ كوردستانێ هاتیهكرن.
ناڤبرى دیاركر ژى كو دوو پرۆژه بۆ خزمهتكرنا نهخۆشێن تالاسیمایێ ل پارێزگهها دهۆكێ د رێ دانه و گۆت ژى، ئێك ژ وان پرۆژان نوژهنكرن و بهرفرههكرنا نهخۆشخانا هیڤى یا زاروكایه و 40 بۆ 50 تهخت دێ ل سهر هێنه زێدهكرن تایبهت بو نهخۆشێن تالاسیمایێ و پهنجهشێرێ و رهنگه دوماهیا ئهڤ ساله یان ژى دهستپێكا سالا بهێت بكهڤیته د خزمهتا وان دا، دیسان ل دهۆكێ سهنتهرهكێ تایبهت ب چاندنا مهژیێ ههستى بۆ نهخۆشێن تالاسیمایێ دهمێ سالهكێ یه دهێته چێكرن و كار تێدا بهردهوامه، ب تمامكرنا ئهڤى سهنتهرى ئێدى نهخوش پێدڤى نابن بچنه ژ دهرڤه و دێ چارهسهریا وان ل ههر ل دهۆكێ هێتهكرن.
ل سهنتهرێ نهخوشیا تالاسیمایێ رۆژانه 50 نهخۆش سهرهدانێ بۆ دكهن و 20 ژ وان خوینێ وهردگرن، ب دوماهى هاتنا سهنتهرێ وان ئێدى ههر ل دهۆكێ دێ چارهسهریا وان هێتهكرن.