هاوكات تاکو ئێستهیش کەسیان دژی ئەوی تریان سکاڵای یاسایی تۆمار نەکردووە، پێشتر برایهكیان گوندهكهى جێ هێشتبوو ئهمڕۆ كه گهڕاوهتهوه شهڕهكه دروست بووه.
ئهمه لهكاتێكدایه هێزێكى زۆرى تهناهى گەیشتوونەتە شوێنی ڕووداوەکە و لێکۆڵینەوەیان دەست پێ کردووە.
لهسهر ئهو ڕووداوه بەڕێوەبەرایەتی پۆلیسی پارێزگای هەولێر له ڕوونکردنەوەیەکدا ڕاى گهیاندووه، "ئەمڕۆ سهعات 7:30ی ئێوارە، بەڕێوەبەرایەتی پۆلیسی پارێزگای هەولێر ئاگادارکرایهوه بەبوونی ڕووداوێکی شەڕکردن لە گوندی کەورەبەن سنووری شارهدێی ڕزگاری لە شارۆكهی خەبات".
ئاماژهیش دراوه، "ڕووداوهكه لە نێوان دوو برا بەناوەکانی (ا. ر. پ.) و (ح. ر. پ.) بووه، دواتر دەستبەجێ هێزەکانمان لە بەڕێوەبەرایەتی پۆلیسی پارێزگای هەولێر چوونە شوێنی مەبەست بە مەبەستی کۆنتڕۆڵ کردنی شوێنی ڕووداو و ئارامکردنەوەی ئەو گرژیەی لە شوێنی ڕووداو دروست بوو بوو".
زیاتر هاتووه، "دواتر دەرکەوت کەوا لەسەر کێشەی زەوی لە نێوان مام و سێ برازا بەناوەکانی (ا. ر. پ.) و (ن. ح.) و (ف. ح.) و (ف. ح.) دەبێتە دەمەقاڵی و گرژی لەنێوانیان ڕوودەدات لەم ناوهندەدا هەریەک لە (ا. ر. پ.) و (ا. ا. ر.) و (ز. ا. ر.) و (ف. ح.) کوژراون وە دوو تۆمەتباریش بەناوەکانی (ف. ح.) و (ن. ح.) لە ژێردەستی پۆلیس دانە کە برینداربوونه."
پۆلیس دهڵێت ئێسته پەڕاوی لێکۆڵینەوەی بۆ ئەم ڕووداوە کردووەتەوە بۆ ئەنجامدانی ڕێڕەوی یاسایی بەرانبەر تۆمەتبارانی تاوانەکە.