ب مەرەما ساناهیکرنا کاروبارێن وەلاتیان و نەهێلانا روتینیێ، ب ئاماده‌بوونا جێگرێ پارێزگارێ دهۆكێ و سه‌روكێ زانكویا دهۆكێ و نونه‌رێ نڤێسینگه‌ها IT یا ئه‌نجومه‌نێ وه‌زیران ونونه‌رێن به‌رنامێ مه‌سار و رێكخراوا VNG ونونه‌رێن 15 فه‌رمانگه‌هێن میرى یێن خزمه‌تگوزارى ئێكه‌مین سه‌نته‌رێ حكومه‌تا ئه‌لكترونى ل پارێزگه‌ها دهۆكێ هاته ڤه‌كرن.
درێورەسمێن ڤه‌كرنا سه‌نته‌ری دا شەمعون شلیمون، جێگرێ پارێزگارێ دهۆكێ بناڤێ كارگێریا پارێزگه‌هێ و پارێزگارێ دهۆكێ سوپاسیا حوكمه‌تا هەرێما كوردستانێ و ئێكه‌تیا ئه‌ورپى و به‌رنامێ مه‌سار ورێكخراوا VNG وهه‌موو لایه‌نان كر بو پالپشتى وڤه‌كرنا سه‌نته‌رى و گوت، ڤه‌كرنا سه‌نته‌رێ حوکمەتا ئەلیکترونی ل پارێزگەها دهۆکێ گرنگی یا خوە یا زانستى هه‌یه و دێ بیته هاریكار كو كار و پلانێن ئاڤه‌دانكرنێ بله‌ز و زانستى تر بهێنه بجهئینان وپ شته‌ڤانیا پارێزگه‌ها دهۆکێ ژی بو سه‌نته‌رى و ڤان چالاکیان دوپات دکەین.
پاش یاداشتا پشته‌ڤانیكرنا به‌رنامێن سه‌نته‌رى دناڤبه‌را جێگرێ پارێزگارى وپرۆگۆامێ مسار و رێكخراوا VNG ونڤێسینگه‌ها IT یا ئه‌نجومه‌نێ وه‌زیران هاته واژوكرن.
ل دوڤدا سه‌نته‌ر بره‌نگه‌كێ فه‌رمى هاته ڤه‌كرن.
سه‌نته‌رێ حوكمه‌تا ئه‌لكترونى ل پارێزگه‌ها دهۆكێ GIS ئیكه‌مین سەنتەرە ل سه‌ر ئاستێ هه‌رێما كوردستانێ دهێته ڤه‌كرن و هه‌موو داتا و پێزانین دێ دناڤ سه‌نته‌ری دا هێنه كومكرن و هه‌موو پلان و پرۆژێن خزمه‌تگوزارى ل دووڤ نه‌خشه‌یێن جوگرافى یێن سه‌نته‌رى دێ هێنه دارشتن و ل ده‌ستپێكێ 15 فه‌رمانگه‌هێن خزمه‌تگوزارى تێدا د پشكدارن و پشتى هنگى دێ هێته به‌رفره‌هكرن.