گۆشتی ئەسپ لە ئەوروپا بڵاو دەبێتەوە


پۆلیسی ئەوروپا 66 كەسی بە تۆمەتی بازرگانی بە گۆشتی ئەسپ لە شوێنە جیاجیاكانی ئەوروپا گرت، دەستیش بەسەر تەواوی موڵك و ماڵەكانیان گیرا، بەهۆی ئەوەی گۆشتی ئەسپ نەشیاوە بۆ خواردن، ئەوان لە وڵاتانی ئەوروپا بازرگانییان پێوە كردووە و ئەو جۆرە گۆشتەیان بڵاو كردووەتەوە.

چەند پشكنینێكی پزیشكی لە وڵاتی ئێرلەندا كە لە ساڵی 2013 بۆ هەندێ جۆری گۆشت كە بەناوی گۆشتی مانگا خراونەتە ماركێتەكانەوە، ئەوەی دەرخست كە ئەو جۆرە گۆشتانە گۆشتی ئەسپن و 100% ئەمە یەكلا بووەوە.

دوای ئەو پشكنینەی كە لە ئێرلەندا ئەنجام درا، پۆلیسی ئیسپانیاش دەستی بە لێكۆڵینەوە كرد و بۆی دەركەوت كە گرووپێك بازرگان ئەسپی ئیسپانی و پرتوگالی بە تەمەن سەر دەبڕن و وەك گۆشتی مانگا لە بازاڕەكان دەیفرۆشنەوە، ئەوان بەڵگەنامەیشیان بۆ گۆشتی ئەسپەكان بە گۆشتی مانگا دەركردووە و بۆ وڵاتی بەلجیكا ڕەوانەیان كردووە، بەگوێرەی بەڵگەنامەكانیش ئیسپانیا گەورەترین كاری سەربڕین و بڵاوكردنەوەی گۆشتی ئەسپی لێ ئەنجام دراوە.

پۆلیسی ئەوروپا "یۆرۆپول" ئاشكرای كرد، توانیویانە 66 كەس لە وڵاتی ئیسپانیا بگرن، یەكێك لە گیراوەكان پێشبینی دەكرێ سەرۆكی ئەو باندە بێ و هەڵگری ڕەگەزنامەی هۆڵەندایە و پێشتر لە بەلجیكا نیشتەجێ بووە.

بەگوێرەی بەدواداچوونە پزیشكییەكانیش، كەمتر 5%ی تەواوی بەرهەمە گۆشتییەكان كە لە ئەوروپا بڵاو بوونەتەوە، گۆشتی ئەسپن و لەگەڵ گۆشتی مانگا تێكەڵ كراون.

سەرچاوە/سكای نیوز.



وشە - باز ئه‌حمه‌د


AM:09:12:17/07/2017




ئه‌م بابه‌ته 8883 جار خوێنراوه‌ته‌وه‌‌