ئەمڕۆ ریال مەدرید یارییەكی قورسی بەرامبەر ڤیاڕیال هەیە


ئەمڕۆ شەموو یانەی ریال مەدرید لە چوارچێوەی ركابەرییەكانی هەفتەی 19ی خولی پلە یەكی ئیسپانیا لەنێو یاریگەی سانتیاگۆ بێرنابیۆ یارییەكی قورسی بەرامبەر یانەی ڤیاڕیال هەیە.

یارییەكە سەعات 6:15ی سەر لە ئێوارە بەكاتی كوردستان دەست پێ دەكات.

یانەی ریال مەدرید لە 2 یاریی رابردوویدا لە خولی ئیسپانیا نەیتوانیبوو سەركەوتن بەدەست بێنێ، لە یاریی كلاسیكۆدا بەرامبەر یانەی بەرشەلۆنە لەنێو یاریگەی سانتیاگۆ بە 3 گۆڵی بێ وەڵام دۆڕا بوو، لە یاریی هەفتەی رابردووش لە دەرەوەی یاریگەی خۆی بە ئەنجامی 2-2 گۆڵ لەگەڵ یانەی سێلتا فیگۆ یەكسان ببوو.

زێنەدین زێدانی راهێنەری یانەی ریال مەدرید ناوی یاریزانە بانگهێشتكراوەكانی بۆ یارییەكەی ئەمڕۆ ئاشكرا كردبوو، ئەوانیش بەمشێوەی خوارەوەن:-

گۆڵپارێز: ناڤاس، كاسیا، مۆحا

بەرگری: كارڤاخال، ڤاییخۆ، ڤاران، ناچۆ، مارسێلۆ، تیۆ هێرناندێز

ناوەڕاست: كڕووس، مۆدریچ، كاسێمێرۆ، ئەسینسیۆ، ئیسكۆ و كۆڤاسیچ

هێرشبەر: كریستیانۆ، گاریس بێڵ، لوكاس ڤاسكێز و بۆرخا مایۆرال.

یانەی ریال مەدرید چاوی لەوەیە 3 خاڵی تەواوی یارییەكە بەدەست بێنێ بۆ ئەوەی بگەڕێتەوە نێو ركابەرییەكانی بەدەستهێنانی ناسناوی ئەمساڵی خولی ئیسپانیا.

یانەی ریال مەدرید ئێستا بەكۆكردنەوەی 32 خاڵ لە ریزبەندی چوارەمی یانەكان دێت و 16 خاڵ لە دواوەی یانەی بەرشەلۆنەی پێشەنگەوەیە، یانەی ڤیاڕیالیش بە 28 خاڵ لە ریزی شەشەمی یانەكانە.




وشە - ئامانج ئه‌كره‌م


PM:12:41:13/01/2018




ئه‌م بابه‌ته 433 جار خوێنراوه‌ته‌وه‌‌