مێگه‌ن چووه‌ ناو خێزانی شاهانه‌ و ئه‌م جلانه‌ی لێ قه‌ده‌غه‌ كرا


مێگه‌ن مێركل ژنی شازاده‌ی دووه‌می به‌ریتانیا، له‌ دوای ئه‌وه‌ی هاوسه‌رگیری به‌ كوڕی خێزانێكی شاهانه‌یی كردووه‌، ناتوانێت هه‌موو جلێك به‌ ئاره‌زووی خۆی له‌به‌ر بكات و چه‌ند جلێكی لێ قه‌ده‌غه‌ كراوه‌.

 ڕۆژی شه‌موو هێنری چارلز ئالبێرت داڤد ناسراو به‌ شازاده‌ هاری، كوڕی دووه‌می خێزانی شاهانه‌ی به‌ریتانیا، له‌گه‌ڵ مێگه‌ن مێركل ئه‌كته‌ری ناوداری ئه‌مه‌ریكی، له‌ ئاهه‌نگێكی گه‌وره‌ و ڕازاوه‌دا به‌ به‌شداری ژماره‌یه‌ك ئه‌كته‌ر و كه‌سایه‌تی ناوداری جیهانی ئه‌مه‌ریكی و به‌ریتانی، ئاهه‌نگی گواستنه‌وه‌یان ئه‌نجام دا و به‌ به‌رچاوی هه‌موو دنیادا له‌ یه‌كتر ماره‌ كران.

دوا به‌دوای ئه‌مه‌ش مێگه‌ن بووه‌ ئه‌ندامێكی فه‌رمی خێزانی شاهانه‌ی به‌ریتانیا، بۆیه‌ یاسا و سنوورێك بۆ ته‌واوی ڕه‌فتاره‌كانی و مامه‌ڵه‌ی له‌گه‌ڵ خه‌ڵكی و ته‌نانه‌ت له‌به‌ركردنی جله‌كانیشی دانرا.

ئێسته‌ وه‌ك جاران ناتوانێت وه‌ك ئه‌كته‌رێك مامه‌ڵه‌ بكات و هه‌رچییه‌ك پێی خۆش بێت بیپۆشێت، بۆیه‌ ئه‌م جۆره‌ جلانه‌ی لێ قه‌ده‌غه‌ كرا كه‌ پێشتر هه‌موویانی له‌به‌ر كردووه‌ و وێنه‌ی پێیانه‌وه‌ بڵاو كردووه‌ته‌وه‌.

_ شۆرتی كورت یان درێژ.

_ پانتۆڵی ئه‌ژنۆ دڕاو.

_ جلی ناوك ڕووت.

_ پانتۆڵی چه‌رم و ته‌سك.

_ جلی فش و ڕووت.

سه‌رچاوه‌_ فۆشیا


وشە - ڕێناس شابان


PM:01:12:22/05/2018




ئه‌م بابه‌ته 13558 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌