ئۆتۆمبێله‌ نوێیه‌كه‌ی جاگوار سه‌رسامتان ده‌كات


كۆمپانیای جاگواری به‌ریتانی یه‌كێك له‌ نوێترین و باشترین ئۆتۆمبێله‌كانی بۆ ساڵی 2018 خسته‌ بازاڕه‌كانه‌وه‌ كه‌ دیزاینه‌كه‌ی سه‌رسامتان ده‌كات.

به‌پێی هه‌واڵیك كه‌ له‌ ماڵپه‌ڕی "thecarconnection" دا بڵاو كراوه‌ته‌وه‌ و باس له‌ نوێترین ئۆتۆمبێلی جاگوار ده‌كات و ده‌ڵێت، كۆمپانیای جاگواری به‌ریتانی له‌ ساڵی 2018 دا ئۆتۆمبێلێكی نوێ جۆری"F-Type" ی به‌شێوازێكی به‌هێز و ناوازه‌ دروست كردووه‌ و خستوویه‌ته‌ بازاڕه‌كانی دنیاوه‌، ئه‌م كۆمپانیایه‌ ئۆتۆمبێله‌كه‌ی به‌شێوازێكی زۆر سه‌رنجڕاكێشانه‌ دیزاین كردووه‌ و هێزێكی زۆری بۆ داناوه‌، بۆیه‌ بووه‌ته‌ جێگای سه‌رنجی كڕیاران و هه‌وادارانی ئۆتۆمبێله‌كانی جاگوار.

كۆمپانیاكه‌ له‌باره‌ی تایبه‌تمه‌ندییه‌كانی ئه‌م ئۆتۆمبیله‌وه‌ چه‌ند روونكردنه‌وه‌یه‌ك ده‌دات كه‌ ئه‌م ئۆتۆمبێله‌ی خاوه‌ن تایبه‌تمه‌ندیی ناوازه‌یه‌ و به‌شێوه‌یه‌كی زۆر ناوازه‌ دروست كراوه‌ و دیزاینێكی جوانیان بۆ داناوه‌، جگه‌ له‌وه‌یش ئه‌م ئۆتۆمبێله‌ هێزێكی زۆری هه‌یه‌ و بزوێنه‌رێكی به‌هێزی له‌سه‌ره‌ كه‌ هێزه‌كانی ده‌گاته‌ هێزی 550 ئه‌سپ و بزوێنه‌ره‌كه‌ی 5.0 لیترییه‌ و شه‌ش پستۆن و هه‌شت پستۆنیشی هه‌یه‌.

كۆمپانیاكه‌ ئه‌وه‌شی روونكردووه‌ته‌وه‌ كه‌ ئه‌م ئۆتۆمبێله‌ خاوه‌ن هه‌شت گێره‌ و بزوێنه‌رێكی به‌هێزی هه‌یه‌ و به‌ شێوازێكی به‌هێز دروست كراوه‌ به‌ دیزاینێكی جیاوازه‌وه‌، هه‌روه‌ها ده‌رباره‌ی نرخه‌كه‌شی كۆمپانیاكه‌ ده‌ڵێت، نرخی ئه‌م ئۆتۆمبێله‌ ده‌گاته‌ 59 هه‌زار و 900 دۆلاری ئه‌مه‌ریكی.


وشە - ڕۆزی عه‌بدولره‌حمان


PM:09:54:11/06/2018




ئه‌م بابه‌ته 440 جار خوێنراوه‌ته‌وه‌‌