ڤیدیۆ.. شەڕی ژنان لە یاری تۆپی پێ


لە یارییەكی خولی تۆپی پێی ئافرەتانی ئەرجەنتیندا بووە شەڕ و بەهۆیەوە چوار یاریزان زامداربوون و رەوانەی نەخۆشخانە كران.

راهێنەری تیپی ئافرەتانی لیبرتاد بەهۆی دەركردنی یاریزانێكییەوە بەهۆی كارتی سوورەوە لەگەڵ راهێنەری یانەی یونیڤەرستاریۆ دەبێتە كێشەیان و دواتریش لە دەرەوەی سیمی یاریگە لەگەڵ چەند ئافرەتێكی تیپی بەرامبەر دەوەدەو دەكەن و بەهۆیەوە شەڕ لەنێوان یاریزانانی هەردوو تیپ دروست دەبێت.

رۆژنامەكانی ئەرجەنتین ئاشكرایان كرد، راهێنەرەكەی یانەی لیبرتاد دوای وەرگرتنی كارتی سووری یایزانەكەیەوە چەند وشەیەكی نەشیاوی ئاراستەی راهێنەری یانەی یونیڤەرستاریۆ كردووە و دواتریش بەهەمانشێوە رووی لە یاریزانانی تیپی بەرامبەر كردووە و وشەی نەشیاوی ئاراستەكردوون، ئەمە وای كردووە شەڕ و ئاژاوەكە دروست بكات كە بەهۆیەوە چوار یاریزانی یانەی لیبرتاد بەسەختی برینداربوونەوە و رەوانەی نەخۆشخانە كراون.



وشە - ئامانج ئه‌كره‌م


AM:10:17:14/08/2018




ئه‌م بابه‌ته 2027 جار خوێنراوه‌ته‌وه‌‌