بەگوێرەی پێشبینییەكان لیۆنێل میسی ئەستێرەی ئەرجەنتینی بەهۆی ئەم پێكانەی لە یارییەكەی پێرێ شەموو بەرامبەر یانەی سڤیلییە لە خولی ئیسپانیا تووشی هات، ناتوانێ لە 6 یاریی داهاتووی یانەكەی بەشداربێت.
یانەی بەرشەلۆنە لەنێو یاریگەی كامپ نوو لە گەڕی نۆیەمی خولی ئیسپانیا بە ئەنجامی 4-2 گۆڵ لە یانەی سڤیلییەی بردەوە، بەڵام لە یارییەكەدا بەهۆی شكانی قۆڵییەوە باشترین یاریزان و كاپتنەكەی میسی لەدەست دا.
یانەی بەرشەلۆنە پێشتر لە بەیاننامەیەكی فەرمیدا رایگەیاندبوو كە میسی بەهۆی ئەم پێكانەوە ماوەی 3 هەفتە لە یاریكردن دوور دەكەوێتەوە.
بەمەش میسی لەم ماوەیەدا لە 6 یاریی یانەی بەرشەلۆنە یاری ناكات كە بڕیارە لە خولی ئیسپانیا و جامی شای ئیسپانیا و خولی پاڵەوانانی ئەوروپا بێتە ئەنجامدان.
ئەو یارییانەی میسی لەگەڵ یانەی بەرشەلۆنە یاری ناكات برێتین لە:-
24ی ئەم مانگە / بەرشەلۆنە – ئینتەر میلان (خولی پاڵەوانانی ئەوروپا)
28ی ئەم مانگە / بەرشەلۆنە – ریال مەدرید (كلاسیكۆی خولی ئیسپانیا)
31ی ئەم مانگە / لیۆنیسا – بەرشەلۆنە (جامی شای ئیسپانیا)
3ی مانگی داهاتوو / بەرشەلۆنە – رایۆ ڤالیكانۆ (خولی ئیسپانیا)
6ی مانگی داهاتوو / ئینتەر میلان – بەرشەلۆنە (خولی پاڵەوانانی ئەوروپا)
11ی مانگی داهاتوو / بەرشەلۆنە – ریال بیتیس (خولی ئیسپانیا)