وێنه‌ نوێیه‌كانى كارداشیان سێ ملیۆن لایكى تێپه‌ڕاند

ئه‌ستێره‌ و نمایشكاری ئه‌مه‌ریكی "كیم كارداشیان"، نوێترین وێنه‌كانی له‌ واڵی تایبه‌تی خۆی له‌ تۆڕی كۆمه‌ڵایه‌تی ئینستاگرام بڵاو كرده‌وه‌ و به‌ جۆرێكی زۆر جیاوازه‌وه‌ له‌ ته‌واوی وێنه‌كانی تری ده‌ركه‌وت.

وێنه‌ نوێیه‌كانى كارداشیان به‌هۆى وروژێنه‌رییه‌كه‌یه‌وه‌ زۆرترین لایكى بۆ هاتووه‌، ته‌واوی هه‌وادارانی تووشی سه‌رسوڕمان بوون، بڕوایان نه‌ده‌كرد ئه‌وه‌ كارداشیان بێت، له‌به‌ر ئه‌وه‌ی لاوازتر له‌ جه‌سته‌ی خۆی ده‌ركه‌وتووه‌.

ماوه‌یه‌ك به‌ر له‌ ئێسته‌ كارداشیان به‌ ستایلی كلاسیك وێنه‌كانی وه‌ك ژنانی ساڵی نه‌وه‌ته‌كانی سه‌ده‌كانی ڕابردووی بڵاو كرده‌وه‌ و ده‌نگدانه‌وه‌ی جیهانی دروست كرد، چاوه‌ڕوان ده‌كرێت ئه‌مجاره‌یش له‌سه‌ر ئه‌و وێنه‌یه‌ی ڕیكۆرد بشكێنێت له‌ وه‌رگرتنی لایك.

كیمبێرلی نۆیڵ كارداشیان، ناسراو به‌ كیم كارداشیان، له‌ 21ی ئۆكتۆبه‌ری ساڵی 1980 له‌ لۆس ئه‌نجلۆس، كالیفۆرنیا له‌ ئه‌مه‌ریكا له‌دایك بووه‌، كه‌سایه‌تی ته‌له‌ڤزیۆنی و نمایشكار و ئه‌كته‌ر و دیزاینه‌ری جلوبه‌رگه‌، له‌ ساڵی 2000 له‌ ته‌مه‌نی 19 ساڵیدا له‌گه‌ڵ به‌رهه‌مهێنه‌ری موزیك "ده‌یمن تۆماس" پێوه‌ندی سۆزداری به‌ست، له‌ 2003 له‌یه‌كتر جیا بوونه‌وه‌.

دوای ئه‌و جیابوونه‌وه‌ كیم ڕه‌فتاره‌كانی به‌ ته‌واوی ڕووی له‌ گۆڕان كرد، له‌و ماوه‌یه‌دا كیم هاوڕێیه‌تی له‌گه‌ڵ پاریس هێڵتندا هه‌بوو، هه‌ر به‌ هۆی ئه‌و هاوڕێتییه‌وه‌ سه‌رنجی میدیاكانی به‌لای خۆی ڕاكێشا، له‌ شوباتی 2007 گرته‌ی سێكسی كیم و هاوڕێ كوڕه‌كه‌ی "ڕه‌ی جه‌ی" دزه‌ی كرد كه‌ له‌ 2003 دا تۆمار كرابوو، له‌ ساڵی 2006 كیم چووه‌ ناو دنیای بازرگانی له‌گه‌ڵ هه‌ردوو خوشكه‌كه‌ی و فرۆشگه‌یه‌كی كرده‌وه‌ به‌ ناوی D-A-S-H له‌ كاله‌بۆسه‌س له‌ كالیفۆرنیا.


وشە - محەمەد میران


AM:11:40:29/03/2019




ئه‌م بابه‌ته 9824 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌