له‌مه‌ودوا ستۆدیۆ کابان ده‌ست به‌كارى هونه‌رى ده‌كات

ئه‌مڕۆ دووشه‌م 13ى ئایار، به‌پێى ئه‌و ڕاگه‌یاندراوه‌ى ده‌ست "وشه‌" كه‌وتووه‌ تێدا هاتووه‌، كه‌ لە شاری سلێمانی پاش ساڵێک لە دامەزاراندنی ستۆدیۆ کابان بە فەرمی کرایەوە.

پێشەوای ساز ئەڕەنجەر و ئەندازیاری دەنگ لە ستۆدیۆ کابان رشاى گه‌یاندووه‌،  ستۆدیۆکە نزیکەی ساڵێکە دانراوە و ئێسته‌ بە فەرمی کراوەتەوە، جیاوازە لە ستۆدیۆکانی تر و بە سیستمی HDX کار دەکات، تایبەتە بە هەموو کارێکی هونەری میوزیک و گۆرانی.

ستۆدیۆ کابان سەر بە بەڕێوەبەرایەتی کەلەپووری سلێمانییە، ئامانجی خزمەتکردنە بە هونەرمەندانی کورد، تا ئێسته‌ کۆمەڵێک کاری کردووە بۆ هونەرمەندانی سلێمانی و هەولێر و ناوچەکانی تری کوردستان، بەرهەمەکان لە ماوەیەکی نزیکدا بڵاو دەکرێنەوە.

ئینستیتیووتی کەلەپووری کورد، ڕێکخراوەیێکی ناحکوومییە کە ئامانجی پێکھێنانی ئەرشیفێکە لە کەلتوور و کەلەپووری زارەکی کوردستان (ھەموو کەمایەتی ئاینی و ڕەگەزی) بە مەبەستی تۆمارکردنی ناسنامەی نەتەوەی کورد و ھەموو کەمایەتییەکانی کوردستان کە مێژووی ھاوبەشیان لە کوردستاندا ھەیە، لە ساڵی 2003 دا دامەزراوە و دوو بنکەی سەرەکی لە سلێمانی و دھۆک و نوێنەرایەتی لە کەرکووک و ھەر چوار پارچەی کوردستان ھەیە.



وشە - محەمەد میران


PM:11:17:13/05/2019




ئه‌م بابه‌ته 99 جار خوێنراوه‌ته‌وه‌‌