گۆڕانكاریی ئه‌م ئۆتۆمبێله‌ كلاسیكه‌ ببینن.. مۆدێلی 2020ی نمایش كرا


به‌هۆی ئه‌وه‌ی ئۆتۆمبێله‌ كلاسیكه‌كانی بی ئێم زۆر له‌ناو خه‌ڵكیدا به‌كارده‌هێندرێن و به‌و ئۆتۆمبێلانه‌ ناسراون كه‌ خه‌ڵكی زۆر حه‌زیان پێ ده‌كات بۆیه‌ كۆمپانیاكه‌ ساڵانه‌ نوێكردنه‌وه‌یان تێیدا ئه‌نجام ده‌دات. 

هه‌واڵیك كه‌ له‌ ماڵپه‌ڕی "caricos" بڵاو كراوه‌ته‌وه‌، باس له‌ نوێترین به‌رهه‌می كۆمپانیای بی ئێم ده‌كات و ئاماژه‌ی پێ داوه‌، كۆمپانیای بی ئێم ئه‌ڵمانی نوێترین جۆری ئۆتۆمبێله‌كانی بۆ ساڵی 2020 نمایش كرد به‌ناوی "بی ئێم حه‌وت سێریس" كه‌ به‌ "بی ئێم 750" ناسراوه‌، تێیدا جوانترین دیزاینی به‌كارهێناوه‌ و هێزه‌كه‌ی سه‌رسووڕهێنه‌ره‌.

كۆمپانیاكه‌ ئه‌وه‌یش گوتووه‌، ئه‌م ئۆتۆمبێله‌ خاوه‌ن تایبه‌تمه‌ندیی ناوازه‌ و شێوه‌یه‌كی زۆر جوان ده‌بێ، له‌گه‌ڵ بۆدییه‌كی زۆر پته‌و و گه‌وره‌یه‌، به‌ڵام له‌باره‌ی تایبه‌تمه‌ندییه‌كان و هێزه‌كه‌یه‌وه‌ هیچ ڕوونكردنه‌وه‌یه‌كی نه‌داوه‌ و باسی هێزی بزوێنه‌ره‌كه‌ی نه‌كردووه‌، ئه‌وه‌ نه‌بێ كه‌ كۆمپانیاكه‌ ئاماژه‌ی پێ كردووه‌ كه‌ به‌شێوه‌یه‌كی زۆر به‌هێز و ناوازه‌ ده‌بێ و زۆر جیاواز و ناوازه‌یه‌ و شێوه‌ی كلاسیكییه‌كه‌ی نه‌ماوه‌.

بی ئێم ده‌بڵیوو "BMW" كۆمپانیایه‌كی گه‌وره‌ی ئه‌ڵمانییه‌ بۆ دروستكردنی ئۆتۆمبێل و مۆتۆڕسكیل كه‌ له‌ ساڵی 1916 له‌لایه‌ن "كارۆڵ فرێدریچ ڕاپ"ه‌وه‌ له‌ شاری "مونشن" دامه‌زراوه‌، BMW له‌ "ئه‌ڵمانیا، به‌ڕازیل، چین، هیندستان، ئه‌فریقای باشوور و ئه‌مه‌ریكا" بریكاری هه‌یه‌ و ئۆتۆمبێل دروست ده‌كات، هه‌روه‌ها له‌ ساڵی 2015 یه‌كێك بوو له‌ پێنج باشترین كۆمپانیاكان بۆ دروستكردنی ئۆتۆمبێل.


وشە - ڕۆزی عه‌بدولره‌حمان


PM:03:15:21/05/2019




ئه‌م بابه‌ته 816 جار خوێنراوه‌ته‌وه‌‌