بڕیارە سبەی مووچەی وەزارەتێكی حكوومەتی هەرێمی كوردستان بۆ مانگی ئاداری ئەمساڵ دابەش بكرێت.
ئەمڕۆ دووشەم 10ـی حوزەیران، بەپێی ئەو زانیارییانەی دەست "وشە" كەوتوون، وەزارەتی دارایی و ئابووری سبەینێ 11ی حوزەیران مووچەی وەزارەتی كاروباری شەهیدان و ئەنفالكراوان و زیندانیانی سیاسی دابەش دەكرێت.
وەزارەتی دارایی و ئابووری پێش جەژن مووچەی وەزارەتی پێشمەرگە و وەزارەتی پەروەردەی دابەش كرد بۆ مانگی ئاداری ساڵی 2019.
بەپێی ڕێككەوتنی نێوان هەرێمی كوردستان و عێراق لە ناوەڕاستی هەر مانگێك عێراق بڕی 452 ملیار دینار بۆ هەرێمی كوردستان دەنێرێت و بە داهاتی ناوخۆی و پارەی هاوپەیمانان بۆ پێشمەرگە و فرۆشتنی نەوت مووچەی فەرمانبەران دەدرێت.
لە سەرەتای ئەمساڵ پاشكەوتی مووچە لەسەر مووچەی فەرمانبەرانی هەرێمی كوردستان هەڵگیراوە و پێدانی مووچە ئاسایی بووەتەوە لە پێنجی سەرەتای هەر مانگێك لە هەرێمی كوردستان مووچە دابەش دەكرێت.