ناسا راوكردنی بوونه‌وه‌ره‌ ئاسمانییه‌كان ده‌ست پێ ده‌كات


ده‌زگای گه‌ردوونناسی ناسا ڕای گه‌یاند، ئێسته‌ كار له‌سه‌ر به‌رهه‌مێك ده‌كه‌ن كه‌ له‌ داهاتوودا بۆ راوكردنی بوونه‌وه‌ری ئاسمانی به‌كاری ده‌هێنن له‌سه‌ر گه‌وره‌ترین مانگی زوحه‌ل.

ماڵپه‌ڕی "dailymail" بابه‌تێكی بڵاو كردووه‌ته‌وه‌ له‌سه‌ر ناسا كه‌ بڕیاریان داوه‌ بۆ چه‌ند ساڵێكی داهاتوو پرۆژه‌ی"alien-hunting" راوی بوونه‌وه‌ری ئاسمانی ده‌ست پێ بكات، وه‌ك ناسایش گوتوویه‌تی، ئێسته‌ كار له‌سه‌ر ئامێری "Dragonfly" ده‌كه‌ین كه‌ كه‌شتییه‌كی بچووكه‌ و له‌ڕێی كۆنترۆڵێكی سه‌ره‌كییه‌وه‌ له‌لایه‌ن كه‌شتیوانه‌كانمان ده‌فڕن و كاره‌كه‌یان پێ ئه‌نجام ده‌درێ.

ئه‌وه‌یش گوتراوه‌، ئه‌م كه‌شتییه‌ بچووكانه‌ ساڵی 2026 كاریان پێ ده‌كرێت و دواتر ده‌نێردرێنه‌ گه‌وره‌ترین مانگی زوحه‌ل كه‌ ناوی تایتنه‌. گه‌ردوونناسه‌كانی ناسا ئه‌وه‌یشان گوتووه‌ كه‌ به‌گوێره‌ی توێژینه‌وه‌كانمان كه‌ چه‌ند ساڵه‌ له‌ زوحه‌ل و مانگه‌كانی ده‌یكه‌ین، ئه‌وه‌ ده‌ركه‌وتووه‌ كه‌ جووڵه‌ی بوونه‌وه‌ر هه‌یه‌ له‌و شوێنانه‌ بۆیه‌ ئه‌م پڕۆژه‌مان ده‌ست پێ كردووه‌. 

هه‌ساره‌ی زوحه‌ل "كه‌یوان" یه‌كێكه‌ له‌ هه‌ساره‌ گه‌وره‌كانی كۆمه‌ڵه‌ی خۆر و شه‌شه‌م دوورترین هه‌ساره‌یه‌ له‌ خۆر، كه‌ به‌ چه‌ند بازنه‌یه‌كی گه‌ردوونی ده‌وری گیراوه‌، به‌گوێره‌ی زانیارییه‌كانی گه‌ردوونناسان زوحه‌ل خاوه‌نی 62 مانگه‌ كه‌ هه‌ریه‌كییان ناوی جیاوازیان هه‌یه‌ و تایتن گه‌وره‌ترین مانگ كه‌ هه‌یه‌تی.

ناسا ده‌زگایه‌كی گه‌ردوونناسی سه‌ربه‌ حكوومه‌تی وڵاته‌ یه‌كگرتووه‌كانی ئه‌مه‌ریكایه‌ و به‌رپرسه‌ له‌ به‌رنامه‌ی ئاسمانی و گه‌ردوونناسی ئه‌و وڵاته‌ و دنیا به‌گشتی، ناسا ساڵی 1957 دامه‌زراوه‌.


وشە - ڕۆزی عه‌بدولره‌حمان


PM:03:57:29/06/2019




ئه‌م بابه‌ته 478 جار خوێنراوه‌ته‌وه‌‌