كۆنترۆڵی جۆری دەرمان: بارێكی پڕۆتینی نایاسایی دەستی بەسەردا گیرا

:: PM:03:08:21/07/2019 ‌
بەڕێوەبەرایەتی كۆنترۆڵی جۆری دەرمان گرتنی بارێكی دەرمانی پڕۆتینی نایاسایی ڕاگەیاند كە نیوەڕۆی ئەمڕۆ لە بازگەی دێگەڵە دەستی بەسەردا گیراوە.

ئەمڕۆ یەكشەم 21ی تەمووز، بەڕێوەبەرایەتی كۆنترۆڵی جۆری دەرمان راگەیەنراوێكی بڵاوكردەوە و ڕای گەیاندووە، بارێك دەرمان و پڕۆتین كە بەرەوە هەولێر دەبرا لە بازگەی دێگەڵە لەلایەن بەشی بازگەكانی كۆنتڕۆڵی جۆری دەرمان KMCA دەستی بەسەردا گیرا.

كۆنترۆڵی جۆری دەرمان وردەكاری ڕاگەیاندووە و ئاماژەی بەوە كردووە كە بارهەڵگرێكی ئاسایی بارێك دەرمان و پڕۆتینی بە نایاسایی و بەبێ ڕێپێدانی كۆنتڕۆڵی جۆری دەرمان KMCA بەرەو هەولێر هەڵگرتبوو، بەڵام پێش گەیشتنی بۆ هەولێر لە بازگەی دێگەڵە دەستی بەسەردا گیرا.

وەك ئاماژە بەوە كراوە كە بەپێی ڕێنوێنییەكانی كۆنتڕۆڵی جۆری دەرمان KMCA دەبێت بەرهەمە دەرمانسازییەكان بە ئۆتۆمبێلی ساردكەرەوە بگوازرێنەوە.



وشە - سه‌رخێڵ هاشم

ئه‌م بابه‌ته 18800 جار خوێنراوه‌ته‌وه‌‌