دیزاینی تۆیۆتا یاریس به‌ته‌واوه‌تی گۆڕاوه‌


كۆمپانیای تۆیۆتا له‌ نوێترین به‌رهه‌مدا یه‌كێك له‌ نوێترین جۆری ئۆتۆمبێله‌كانی ئاشكرا كرد ئه‌ویش تۆیۆتا یاریسی مۆدێل 2020 به‌ نوێترین دیزاینه‌وه‌.

ماڵپه‌ڕی "caricos" بابه‌تێكی بڵاو كردووه‌ته‌وه‌ له‌باره‌ی نوێترین به‌رهه‌می تۆیۆتا و ئاماژه‌ی پێ داوه‌، كۆمپانیای تۆیۆتا له‌ نوێترین كاریدا ئۆتۆمبێلی یارسی مۆدێل 2020 له‌ پێشانگاكانیدا نمایش كرد كه‌ شێوه‌كه‌ی گۆڕانكاری تێداكردووه‌ و دیزاینێكی جوانی بۆ داناوه‌.

تۆیۆتا زیاتر له‌باره‌ی ئه‌م ئۆتۆمبێله‌وه‌ روونكردنه‌وه‌ی داوه‌ كه‌ ئۆتۆمبێلی یارسی نوێ جیاواز له‌ به‌رهه‌مه‌كانی پێشووی بۆدییه‌كه‌ی گه‌وره‌تر كراوه‌، هه‌روه‌ها له‌رووی هێزی بۆدیه‌كه‌یشییه‌وه‌ زۆر به‌شێوازێكی پته‌و و سه‌لامه‌ت دروست كراوه‌، ئه‌وه‌یش گوتراوه‌ كه‌ ئۆتۆمبێله‌كه‌ هێزی 106 ئه‌سپی بۆ دنراوه‌ له‌گه‌ڵ بزوێنه‌رێكی 1.5 لیتری، به‌رێوه‌به‌ری تۆیۆتا ئه‌وه‌یشی گوت كه‌ به‌نیازن یاریس له‌شێوه‌ی پیكابیش دروست بكه‌ن و له‌ داهاتوودا بیخه‌نه‌ بازاڕه‌وه‌.

تۆیۆتا یه‌كێكه‌ له‌ كۆمپانیا گه‌وره‌كان بۆ به‌رھه‌مھێنانی ئۆتۆمبێل كه‌ بنكه‌ی سه‌ره‌كی ده‌كه‌وێته‌ شاری "تۆیۆتا" له‌ ناوچه‌ی "ئیچی" له‌ ژاپۆن، كۆمپانیاكه‌ جگه‌ له‌ به‌رهه‌مهێنانی ئۆتۆمبێل، پاس و چه‌ندان جۆری پیكابی جیاواز دروست ده‌كات، تۆیۆتا له‌سه‌ر ئاستی كۆمپانیاكانی ژاپۆن یه‌كه‌م كۆمپانیایه‌ له‌ ڕووی زۆری به‌رھه‌مھێنانی ئۆتۆمۆبێله‌وه‌.


وشە - ڕۆزی عه‌بدولره‌حمان


AM:11:34:12/08/2019




ئه‌م بابه‌ته 424 جار خوێنراوه‌ته‌وه‌‌