لە هەولێر و سلێمانی بارانە

بەڕێوەبەرایەتی گشتی كەشناسی و بوومەلەرزەزانی هەرێمی كوردستان بڵاوی كردوەتەوە ئێستە لە سەنتەری شاری هەولێر باران دەبارێت و لە سلێمانی باران باری.

ئەمڕۆ چوارشەم 14ـی ئاب، بەڕێوەبەرایەتی گشتی كەشناسی و بوومەلەرزەزانی هەرێمی كوردستان بڵاوی كردووەتەوە، ئێستە لە سەنتەری هەولێر پروشكە باران هەیە.

كەشناسی هەرێمی كوردستان ڕوونی كردووەتەوە، خێرایی با 20 كیلۆمەترە لە سەعاتێك.

باس لەوەشكراوە، لە پارێزگای سلێمانی هەورە بروسكە و نمەبارانە وە لە چەمچەماڵ و شارۆكەی چۆمانیش نمە باران باری.

بەپێی پێشبینییەكانی كەشناسی لە ناوچە شاخاوییەكانی هەرێمی كوردستان پێشبینی باران بارین دەكرێت لە ئەمڕۆدا.

هاوكات لە ڕاپۆرتێكی بەڕێوەبەرایەتی گشتی كەشناسی و بوومەلەرزەزانی هەرێمی كوردستان بەرزترین پلەی گەرمی تۆماركراوی بۆ ئەمڕۆ ڕاگەیاندن و شارۆكەی خانەقین بەرزترین پلەی گەرمی هەبوو بە 52 پلە و شارەدێی حاجی ئۆمەرا نزمترین پلەی هەبوو كە 31 پلە بوو.



وشە - رامیار جەواد


PM:07:55:14/08/2019




ئه‌م بابه‌ته 1226 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌