نووسەر و شاعیر شووشە
کاموسی لە لێدوانێکدا بۆ "وشە" دەڵێ، عەشق هەمیشە لە ناخمدا سەما دەکات
و من بە بێ عەشق وڵاتێکم لە وێرانی و بێدەنگی.
نووسەر و شاعیر شووشە
کامووسی بە "وشە" ی ڕاگەیاند، شیعرەکانم
لە دڵەڕاوکێی خۆم وەکو مرۆڤێک کە بە هەزار مەراق و ئازاردا تێدەپەڕێت، هەوڵ دەدات
هەموو تەنگ و چەڵەمەکانی سەر ڕێی مرۆڤێکی دڵ پڕ لە خولیای ئەو سەردەمە پێشانی خوێنەر
بدات.
ئەو خانمە نووسەرە
ئاماژە بۆ ئەوەیش دەکات، من خاوەنی چەند کورتە چیڕۆکم و حەزدەکەم ڕۆژێک بێت ئازارەکانی ئەم گەلە
نەحەساوەمان بکەمە ڕۆمانێک لە داهاتوودا، چیڕۆکیشم وەک شیعر خۆش دەوێت و خەونەکانم
لە ئامێزیدا فرچگ دەگرێ، چیڕۆک دەمباتە ئارامییەکی پڕ لە جوانی و پڕم دەکات لە نەرمە
شەپۆڵی هیوا.
شوشە کاموسی دووپاتی
دەکاتەوە، حەز دەکەم کۆمەڵگاکەم کۆمەڵگەیەکی ژیر و چاوکراوە و خوێنەر بێت و بۆ هەموو
بەها مرۆییەکان ڕێز دابنێت، من لە کۆمەڵگایەکدا دەتوانم بڵێم ئازادیم هەیە کە بەبێ
جیاوازی ڕێز بۆ مرۆڤەکان لە ڕەگەزی نێر و مێ دابنرێت.
شووشە کامووسی ساڵی 1988
لە رۆژهەڵاتی کوردستان لەدایک بووە و ئێستا لە سلێمانی دەژیت و وەک خۆی ئاماژەی پێ
دەدات، ماوەی پازدە ساڵە شیعر دەنووسێت.
هەولێر/ گەرمیان گلی