بەڕێوەبەرایەتی هاتوچۆی سلێمانی ئاشكرای دەكات، لە ماوەی یەك هەفتەدا 27 ڕووداوی هاتوچۆ ڕوویان داوە و ژمارەیەكی زۆری هاووڵاتی بریندار بوون.
ئەمڕۆ یەكشەم 15ـی ئەیلوول، بەڕێوەبەرایەتی هاتوچۆی سلێمانی بڵاوی كردووەتەوە، لە ماوەی هەفتەی ڕابردوو 27 ڕووداوی هاتوچۆ ڕوویان داوە و ژمارەیەك هاووڵاتی بریندار بوونە.
هاتوچۆی سلێمانی ئاشكرای كردووە، لە كۆی ڕووداوەكان 26 هاووڵاتی بریندار بوونە و هیچ كەسێكیش بەهۆی ڕووداوەكانی هاتوچۆ گیانی لە دەست نەداوە.
ڕووداوەكانی هاتوچۆ یەكێكە لە مەترسییە گەورەكان لەسەر ژیانی هاووڵاتییانی هەرێمی كوردستان و لە ماوەی ڕابردوو چەندان هاووڵاتیی بەوهۆیەوە گیانیان لە دەست داوە.
بەرپرسانی هەرێمی كوردستان زیانەكانی ڕووداوی هاتوچۆ بە دەیان ملیۆن دۆلار دەخەمڵێنن ساڵانە زیان بە هاووڵاتییان دەگەیەنن.