دابەشكردنی مووچەی سبەی ڕاگەیەنرا

:: AM:08:19:14/12/2019 ‌
بڕیارە سبەی مووچەی وەزارەتێك و توێژێك دابەش بكرێت و پارەكەی بەغداش گەیشتە هەرێمی كوردستان.

ئەمڕۆ شەموو 14ـی كانوونی یەكەم، بەپێی زانیارییەكانی "وشە" سبەی مووچەی وەزارەتی شەهیدان و ئەنفالكراوان دابەش دەكرێت.

لە زانیارییەكان هاتووە، سبەی مووچەی كەسوكاری شەهیدان و زیندانیانی سیاسیش دابەش دەكرێت.

ئەو بڕە پارەیەی بەغدا بۆ مووچەی فەرمانبەرانی ڕەوانە دەكات گەیشتە هەرێمی كوردستان
ڕۆژی چوارشەم ئەو بڕە پارەیەی بەغدا بۆ مووچەی فەرمانبەرانی ڕەوانە دەكات گەیشتە هەرێمی كوردستان.

هەرێمی كوردستان بۆ دابەشكردنی مووچەی فەرمانبەران دوای تەنگژەی دارایی پشت دەبەستێت بە فرۆشتنی نەوت و ئەو بڕە پارەیەی لە بەغداوە بەپێی ڕێككەوتنێك بۆ هەرێمی كوردستان دێتە ناردن.

بەپێی ڕێككەوتنی نێوان هەرێمی كوردستان و عێراق، لە ناوەڕاستی هەر مانگێك عێراق بڕی 452 ملیار دینار بۆ هەرێمی كوردستان دەنێرێت و بە داهاتی ناوخۆیی و پارەی هاوپەیمانان بۆ پێشمەرگە و فرۆشتنی نەوت مووچەی فەرمانبەران دەدرێت.

لە سەرەتای ئەمساڵ پاشەكەوتی مووچە لەسەر فەرمانبەرانی هەرێمی كوردستان هەڵگیرا و پێدانی مووچە ئاسایی بووەتەوە. لە پێنجی سەرەتای هەر مانگێك لە هەرێمی كوردستان مووچە دابەش دەكرێت.



وشە - رامیار جەواد

ئه‌م بابه‌ته 7240 جار خوێنراوه‌ته‌وه‌‌