فینله‌ند به‌ به‌خته‌وه‌رترین وڵات هاته‌ ژمار

:: PM:02:49:25/03/2020 ‌
به‌پێی راپۆرتێك كه‌ ساڵانه‌ له‌ رێی نه‌ته‌وه‌ یه‌كگرتووه‌كانه‌وه‌ ده‌رده‌چێت و بایه‌خێكی زۆری پێ ده‌درێت، به‌پێی ریزبه‌ندی لیستێك، ئاماژه‌ به‌ به‌خته‌وه‌رترین وڵات له‌ دنیادا دراوه‌ كه‌ بۆ ساڵی 2020، فینله‌ند پله‌ی یه‌كه‌می به‌ده‌ست هێناوه‌.

به‌پێی راپۆرته‌كه‌ی نه‌ته‌وه‌ یه‌كگرتووه‌كان كه‌ پێگه‌ی "ئیلاف" بڵاوی كردووه‌ته‌وه‌، به‌خته‌وه‌رترین وڵات به‌پێی هه‌ستی هاووڵاتییانیان و دلخۆشییان له‌و وڵاته‌، هاوكات جۆری ژیانیان به‌ به‌راورد شوێنه‌كانی تر، ریزبه‌ندییه‌كه‌ كراوه‌ كه‌ بۆ 2020 له‌ فینله‌نده‌وه‌ ده‌ست پێ ده‌كات و دواترینیان ئه‌فغانستانه‌.

له‌ فینله‌نده‌وه‌ ده‌ست پێ ده‌كات و دواترینیان ئه‌فغانستانه‌

له‌دوای فینله‌ند، دانیمارك به‌ پله‌ی دووه‌م دێت و به‌دوایدا سویسرا، ئێسله‌ندا به‌ پله‌ی چواره‌م دێت و به‌دوایدا به‌ریتانیا. لێره‌دا ته‌واوی لیسته‌كه‌ بڵاو ده‌كه‌ینه‌وه‌.

فینله‌ند- دانیمارك- سویسرا، ئێسله‌ندا- به‌ریتانیا- نه‌رویج- هۆڵه‌ندا- سوید- نیوزله‌ندا- لێكسمبۆرگ- نه‌مسا- كه‌نه‌دا- ئوسترالیا، ئیسرائیل- كۆستاریكا- ئێرله‌ندا- ئه‌ڵمانیا- ئه‌مه‌ریكا- چیك- به‌لجیكا.

هاوكات له‌ناو لیسته‌كه‌دا ناوی ئه‌و وڵاتانه‌ هاتووه‌ كه‌ ژیان تێیاندا زۆر خراپه‌ و هاووڵاتییان دڵخۆش نین. وه‌ك وڵاتانی ئه‌فغانستان- باشووری سوودان- زیمبابۆی- رواندا- كۆماری ئه‌فریقای ناوه‌ڕاست- تنزانیا- بۆتسوانا- یه‌مه‌ن- مالاوی- هیند- لیسۆتۆ- هایتی- زامبیا- بۆرۆندی- سیرالیۆن- میسر-  مه‌ده‌غشه‌قر- ئه‌سیوبیا- تۆغۆ- جزر ئه‌لقه‌مه‌ڕ.


وشە - وشیار ئه‌حمه‌د ئه‌سوه‌د

ئه‌م بابه‌ته 172 جار خوێنراوه‌ته‌وه‌‌