ژنەک و زەلامەک ل ده‌ڤه‌رداریا شنگالێ خوه‌ كوشت

:: AM:11:59:20/05/2020 ‌
د دوو روودان و جهێن جودا، دوو كه‌سان ل ده‌ڤه‌رداریا شنگالێ خوه‌ كوشت، ئێك ژ وان بابێ حه‌فت زاروكایه و ئەوێ دی ژنەکێ 22 سال بوویە‌.

ئه‌ڤرۆ چوارشه‌مبی 20ێ ئایارێ، باسم شنگالی چالاكڤانه‌كێ ئێزیدییه‌ ل پارێزگه‌ها دهۆكێ بۆ "وشه‌" گۆت، سپێدهه‌یا ئه‌ڤرۆ ل دوو جهێن جودا ل ده‌ڤه‌رداریا شنگالێ دوو كه‌سان خوه‌ كوشت.

ئەڤ زەلام بابێ حه‌فت زاروكایه

زێده‌تر گۆت "روودانا ئێكێ خوه‌ خه‌ندقاندنا ژنه‌كێ /22 سال/ بویه‌ بناڤێ سه‌لوا سلو و خه‌لكا گوندێ سیپا شێخ خدره‌ ل باشوورێ ده‌ڤه‌رداریا شنگالێ، جهێ داخێیه‌ خوه‌ كوشتنا وێ بۆ ئاریشه‌كا جڤاكی دزڤریت، روودانا دوویێ ژی خوه‌ كوشتنا زه‌لامه‌كێ بوویه‌ ل شنگالێ بناڤێ حازم یوسف /نێزیكێ 50 سال/ و بابێ حه‌فت زاروكایه‌، ئه‌گه‌را خوه‌ كوشتنا وی هه‌تا نوكه‌ نه‌هاتییه‌ زانین"

ئه‌ڤ ساله‌ ئه‌ڤه‌ نێزیكێ 10 كه‌سان ل سنوورێ ده‌ڤه‌رداریا شنگالێ ژ ئه‌گه‌رێن جودا هاتنه‌ كوشتن و خوه‌ كوشتییه‌.

دهۆك / نه‌وزاد هلۆری



وشە - ڕێناس شابان

ئه‌م بابه‌ته 289 جار خوێنراوه‌ته‌وه‌‌