حه‌وت حاڵه‌تی‌ تری‌ كۆرۆنا له‌ كوردستان راگه‌یه‌نرا

:: PM:06:22:24/05/2020 ‌
وه‌زاره‌تی‌ ته‌ندروستی‌ حكوومه‌تی‌ هه‌رێمی‌ كوردستان راگه‌یاندنی‌ حه‌وت حاڵه‌تی‌ تری‌ كۆرۆنای‌ له‌ هه‌ولێر راگه‌یه‌ند.

ئه‌مڕۆ یه‌كشه‌م 24ی‌ ئایار، وه‌زاره‌تی‌ ته‌ندروستی‌ حكوومه‌تی‌ هه‌رێمی‌ كوردستان رای‌ گه‌یاندووه‌، له‌ به‌رده‌وامی پشكنینه‌كان و گه‌ڕان به‌دوای گومانلێكراوان و تووشبووان، حه‌وت تووشبووی تری‌ ڤایرۆسی كۆرۆنای نوێ COVID-19 له‌ پارێزگای ھه‌ولێر ده‌ستنیشانكران.

له‌ راگه‌یه‌نراوه‌كه‌دا هاتووه‌، سێ ژن ته‌مه‌ن ٦٩ و ٥٩ و ٥٧ ساڵ، دوو پیاو ته‌مه‌ن ٦٩ و ٢٩ ساڵ، دوو منداڵ ته‌مه‌ن نۆ و پێنج ساڵان، سێ تووشبوو به‌ركه‌وته‌ و خانه‌واده‌ی تووشبووه‌كه‌ی دوێنێی شاری هه‌ولێره‌، چوار تووشبووه‌كه‌ی تر نیشانه‌ی نه‌خۆشیان ھه‌یه‌، دانیشتووی عه‌نكاوه‌ و گه‌ڕه‌كه‌كانی سه‌فین و گوڵانن له‌ شاری هه‌ولێر.

له‌ هه‌رێمی‌ كوردستان 474 كه‌س تووشی‌ كۆرۆنا بوون و له‌و ڕێژه‌ پێنج كه‌س مردوون و 403 كه‌سیش چاك بوونه‌ته‌وه‌.




وشە - سه‌رخێڵ هاشم

ئه‌م بابه‌ته 718 جار خوێنراوه‌ته‌وه‌‌