رێكخراوی یۆنسكۆ لە نوێترین راپۆرتی خۆیدا لەبارەی دۆخی فێركردن و پەروەردە لە دنیادا بڵاوی كردەوە، لانی كەم 260 ملیۆن منداڵ بە هیچ شێوەیەك دەستیان بە سەرچاوەكانی فێركردن راناگات و كۆرۆناش دۆخەكەی زۆر نالەبارتر كردووە.
بەگوێرەی راپۆرتەكە یەك لەسەر شەشی منداڵان و هەرزەكارانی دنیا لە خوێندن بێبەش بوون و جگە لە كۆرۆنا هەژاری و دەستكورتی بە گرنگترین هۆكاری ئەم پاشەكشەیە هەژمار دەكرێت.
40%ی منداڵانی وڵاتە هەژارەكان لە قۆناغی كۆرۆنادا هیچ جۆرە پاڵپشتییەكیان پێ نەگەیشتووە لەوەی فێری زانیاری و پەروەردە ببن و بە گشتی لە ناو كیشوەرەكانی دنیا، دۆخی ئەفریقا زۆر نالەبارترە و هەرچەندە ئەم كاریگەرییە كەم تا زۆر بۆ زۆربەی وڵاتانی دواكەوتوو هاتووەتە كایەوە.
كۆرۆنا بووە هۆی ئەوەی سەرووی 90%ی قوتابخانەكانی دنیا ناچار بن دەرگای قوتابخانەكانیان دابخەن.
كۆرۆنا بووە هۆی ئەوەی سەرووی 90%ی قوتابخانەكانی دنیا ناچار بن دەرگای قوتابخانەكانیان دابخەن. بەر لە بوونی كۆرۆناش كەم نەبوون ئەو منداڵانەی لە قوتابخانە و فێربوون بێبەش بوون.
بەگوێرەی رادیۆ
زەمانە لە ساڵی 2018دا 260 ملیۆن منداڵ بە هیچ شێوەیەك نەیانتوانیوە دەستیان بە خوێندن و قوتابخانە رابگات. پەناخوازان، ئاوارەكان، كەمینەكان و كەمئەندامان لەو رووەوە پشكی شێریان بەركەوتووە.
ماوەی رابردووش هەریەك لە سندووقی تایبەت بە منداڵانی un كە بە یونیسێف ناسراوە لەگەڵ سندووقی رزگاریی منداڵان راپۆرتێكی هاوبەشیان بڵاو كردەوە و باسیان لەوە كرد، 86 ملیۆن منداڵ لە ناو ئەو خێزانانە دەژین كە هەژارن. دوو لەسەر سێی ئەو منداڵانە لە ئەفریقا و باشووری ئاسیان.
لە هەرێمی کوردستانیش ئەمساڵ بەهۆی کۆرۆنا کۆرسی دووەمی خوێندن تووشی کێشە هات قوتابیان نەیانتوانیوە هاوشێوەی ساڵانی رابردوو لە فێرکردن و پەروەردە بەردەوام بن هەر چەندە لە رێگەی ئۆنلاینەوە کەمێک قەرەبووی ئەو پاشەکشەیە کراوەتەوە.