ڕۆبێرت دی نیرۆ: ترامپ شایانی یەك مستە لە دەموچاوی بدەم
ڕۆبێرت دی نیرۆ، ئەستێرەی بەناوبانگی هۆڵیوود هاوشێوەی بەشێزی زۆری هونەرمەندانی ئەمەریكا، دژی دۆناڵد ترامپ كاندیدی كۆمارییەكان بۆ پۆستی سەرۆكی ئەمەریكا وەستایەوە.

دی نیرۆ كە بە یەكێك لە شكۆدارترین ئەستێرەكانی مێژووی سینەما ناو دەبرێت، لە گرتەیەكی ڤیدیۆییدا كە لەمیانی هەڵمەتێك بۆ هاندانی هاووڵاتییان بۆ چوونە سەر سندووقەكانی دەنگدان لە هەڵبژاردنی سەرۆكایەتی ئەمەریكا و پشتیوانی هیلاری كلینتۆن دەكات، بەتوندی هێرش دەكاتە سەر ترامپ.

بڕیارە ڕۆژی هەشتی تشرینی دووەم/ نۆڤەمبەری داهاتوو هەڵبژاردنی ئەمەریكا بەڕێوە بچێت، لە یەكەم دیبەیتی ڕاستەوخۆی نێوان هەردوو ڕكابەر، هیلاری كلینتۆن پاڵێوراوی دیموكراتییەكان بەسەر دۆناڵد ترامپ پاڵێوراوی كۆمارییەكان سەركەوت.

لە گرتە ڤیدیۆیەكەدا دی نیرۆ ستایشی گوتەیەكی "كۆڵن پاوڵ" وەزیری پێشتری دەرەوەی ئەمەریكا كرد كە لەبارەی ترامپەوە گوتبووی: ئەو سەرچاوەی شەرمەزارییە بۆ ئەم وڵاتە و بەڵایەكی نەتەوەیییە، ئاماژەی بەوەش دا كە ترامپ نازانێت دەڵێت چی، گوتی: لەبارەی ئەوەی چۆن دەیەوێت مست لە رووخساری خەڵك بدات بدوێت؟ باش دەمویست مست لە رووخساری ئەو بدەم.

ئەو ئەستێرەیە كە یەكێكە لە پاڵەوانەكانی فیلمی "گەد فازەر" لەبارەی وشەكانی وەك "گێژی بێپەروا"، "بەراز"، "سەگ" و "سەرسەری" كە ترامپ بەكاریان دەهێنێ دەڵێ: بەڕاستی ئەمە ئەو كەسە نییە كە بتوانێت ئەمەریكا بەڕێوە ببات.

وشە/ ئەنادۆڵو، كوردۆ شابان


AM:10:36:09/10/2016




ئه‌م بابه‌ته 4343 جار خوێنراوه‌ته‌وه‌‌

زیاتر ...