بە گوێرەی هەواڵێكی كەناڵی تەلەفزیۆنیی "ئۆنۆ" لە گۆڕێكی بە كۆمەڵی نهێنیدا، لە ویلایەتی كواویلای وڵاتی مەكسیك، پرووسكی 600 كەس دۆزرایەوە.
ژمارەیەك لە چالاكانی مەدەنی، لەو كاتەی سەرقاڵی گەڕان بوون بە دوای كەسوكارە بێ سەروشوێنەكانیان، لە گۆڕێكی نهێنیی ناوچەیەكی سەر بە شارەوانیی سان پێدرۆی ئەو ویلایەتە، ئەو گۆڕە نهێنییەیان دۆزیوەتەوە.
سەرپەرشتیاری ئەو گرووپە مەدەنییە سیلڤیا ئۆرتیز رای گەیاندووە، كە ئەوان پرووسكەكانیان رادەستی لایەنی پێوەندیداری وڵاتەكە كردووە، بە مەبەستی ناسینەوەیان و دەستنیشانكردنی ناسنامەیان.
جێی ئاماژەیە ویلایەتی كواویلا، ساڵانێكی درێژە گرژی و ئاڵۆزی تێدایە، بە هۆی پێكدادانەكانی نێوان پۆلیس و باندە مافیایییەكانی بازرگانیكەر بە مادە هۆشبەرەكانەوە.
بە گوێرەی ئامارە فەرمییەكان، لە وڵاتی مەكسیك تا ئێستە زیاتر لە 1.8 ملیۆن هاووڵاتی بێ سەروشوێنن، لە پێنج ساڵی رابردووشدا تەنیا لە گۆڕە نهێنییەكانی ویلایەتی كواویلا، پرووسكی 455 كەس دۆزراونەتەوە.
وشە/ سپوتنیك. و: ئەهمەد كەیفی