بە فەرمی پارتی كرێكارانی كوردستان بڕیاری دا، گوێڕایەڵی فەرمانی عەبدوڵا ئۆجەلان ڕێبەری گیراوی حیزبەكەكە نەكەن و دەڵێن، لەم كاتەدا ناتوانین كۆنگرە ببەستین و حزبەكە هەڵبوەشێنینەوە.
جەمیل بایك، ئەندامی كۆنسەی بەڕێوەبەرایەتیی کۆما جڤاکێن کوردستان- کەجەکە ڕای دەگەیەنێت كە بەستنی كۆنگرە لەم دۆخەدا ئەستەمە، پێویستە لەپێشدا توركیا ئاگربەست ڕابگەینێت ئینجا ئێمەش دەتوانین كۆنرگە ببەستین.
مانگی ڕابردوو، لە نامەیەكدا كە عەبدوڵا ئۆجەلان بە خەتی خۆی نووسیبووی و شاندی ئیمراڵی خوێندیانەوە، داوا لە پارتی كرێكارانی كوردستان دەكات لە كۆنگرەیەكدا حزبەكە هەڵبوەشێننەوە و چەك دابنێن.
بایك لە کەناڵێکی نزیک لە پەکەکە، لە بەرنامەیەكدا سەبارەت بە داواكانی ئۆجەلان دەڵێت، لە تورکیا کۆمەڵێک گرووپ هەن دەیانەوێت کێشە دروست بکەن. ئەگەر دەیانەوێت پرسی کورد چارەسەر بکەن و لە مەترسییەکان تورکیا رزگاریان ببێت، دەبێت دەستبەرداری ئەم هەوڵانە بن.
هەر كە نامەكەی ئۆجەلان خوێندرایەوە، پەكەكە بڕیاری ئاگربەستی كاتییان دا، بەڵام گوتیان بۆ ئەوەی كۆنگرە ببەستین، پێویستە ڕێبەرەكەمان ئازاد بكرێت و خۆی كۆنگرەكە ببەستێت و حزبەكە هەڵبوەشێنێتەوە.