سەرچاوەكانی پەكەكە بانگەشەی ئەوە دەكەن كە ڕەزا ئاڵتون بەهۆی نەخۆشیەوە گیانی لەدەستداوە و لە گۆڕستانی سەیوان لە سلێمانی بەخاك سپێردراوە.
ڕەزا ئاڵتون، كە بە تایبەتی لە بوارەكانی دیپلۆماسی و ئابووری پەكەكەدا ناوێكی دیارە، بەپێی هەواڵی سایتی داركەمازی، لە 20ی ئادار و لە كاتێكدا لە قەندیلەوە بەرەو شارۆچكەی سەنگەسەر دەچوو، لەلایەن فڕۆكە جەنگییەكانی دەوڵەتی توركەوە بۆمباران كرا. لەو هێرشەدا "میكایل ئۆزدەمیر" ناسراو بە "ناڤدار ئامەد" ئەندامی كۆمیتەی دیپلۆماسی پەكەكە و بەرپرسی پێوەندییە دەرەكییەكانی كەجەكە، "ئەمروڵَا دورسون" ناسراو بە سەرهات ڤارتۆ گوتەبێژی كەجەكە، "عەلی ئاكتاش" ناسراو بە سینانێ سۆر كارگێڕی هەرێمی قەندیل گیانیان لەدەستدا. دەوڵەتی توركیا رای گەیاند، لەو هێرشەدا ڕەزا ئاڵتونیش گیانی لەدەستداوە.
سەرچاوە نزیكەكانی پەكەكە باس لەوە دەكەن كە ڕەزا ئاڵتون لەو ئۆتۆمبێلەدا بووە كە لەلایەن هێزی ئاسمانی توركیاوە كراوەتە ئامانج و بەهۆی هێرشەكەوە بە سەختی بریندار بووە.
ڕەزا ئاڵتون لە 11ی ئایاری 2019دا بەشداری لە بەرنامیەكی تەلەفزیۆنیدا كرد و گوتی كە ئەو لە شوێنی ڕووداوەكەدا نەبووە. لەو بەرنامەیەی كە بەشداریی تێدا كرد، بەڕوونی دەركەوت كە دۆخی تەندروستیی باش نییە، دوای ئەو ڕۆژە، ڕەزا ئاڵتون هەرگیز بەشداریی لە هیچ بەرنامەیەكی تەلەفزیۆنیدا نەكردووە و هیچ بابەتێكی نووسراوی نەداوە.
سەرچاوەكانی پەكەكە لە سلێمانی باس لەوە دەكەن كە دوای برینداربوونی ڕەزا ئاڵتون سەرەتا لە سلێمانی، پاشان لە دیمەشق و تاران چارەسەری وەرگرتووە، بەڵام ڕۆژ لە دوای ڕۆژ باری تەندروستیی زیاتر تێكچووە. بەگوێرەی سەرچاوەكان، ڕەزا ئاڵتون بەهۆی كێشەی تەندروستیەوە چووەتە فرەنسا و پزیشكەكان جگە لە كەمكردنەوەی ئازارەكانی هیچی تریان نەكردووە. دواتر ڕەزا ئاڵتون لە فرەنساوە گەراوەتەوە بۆ سلێمانی و بە نهێنی لە نەخۆشخانەیەك ڕاگیراوە پێوەندی لەگەڵ پەكەكەدا هەبووە، ڕەزا ئاڵتون لە ساڵی 2024دا كۆچی دوایی كردووە.
سەرچاوەكانی پەكەكە باس لەوە دەكەن كە بارودۆخی ڕەزا ئاڵتون بە خوشكەكەی نورحەیات ئاڵتوون و خوارزاكانی كە ئەندامی پەكەكەن ڕاگەیەندراوە و سەرەخۆشییان لێكردوون. بەڵام پەكەكە پێی گوتوون: ئەگەر ئێستە ئەم شتە ئاشكرا بكەین، دەوڵەت ئەمە لە دژی ئێمە بەكاردەهێنێت، بۆیە ئێمە هەواڵی مردنەكەی بۆ ڕای گشتی ئاشكرا ناكەین و با بنەماڵەكەشی بە نهێنی بیهێڵینەوە.
لە سەرەتای دامەزراندنی پەكەكەوە پێوەندی پێوە كردووە و لە ساڵانی 1980 بەملاوە، هەمیشە لە ڕیزی كادیرە پێشەنگەكانی پەكەكەدا بووە. لە ئێستەدا چارەنووسی ڕەزا ئاڵتون بووەتە بابەتی گفتوگۆی جەماوەر و ئەندامانی پەكەكە و سەرچاوەكانی نزیك لە پەكەكە دەپرسن: ڕەزا ئاڵتون لە كوێیە؟
ڕەزا ئاڵتون لە ساڵی 1956 لە قەیسەری لەدایك بووە و لە بنەماڵەیەكی بەڕەچەڵەك خەڵكی دێرسیمە. خێزانەكەی ڕوویان لە ئەنقەرە كردووە و ڕەزا ئاڵتونیش لە گەڕەكی توزڵوچایر گەورە بووە. پێش ئەوەی بچێتە ناو پەكەكەوە، ساڵانێكی زۆر لەناو پەكەكەدا بە ناوی "شیركەت" دەناسرا.
لە ساڵی 1978دا زیندانی كرا. ساڵی 1991 لە زیندان ئازاد دەبێت.لە نێوان ساڵانی 1993 بۆ 2000 لە ناوچەكانی باشووری كوردستان و كەمپی مەخموور ژیاوە. لەو ناوچانەدا بە تایبەتی پێوەندییەكانی پەكەكەی بەرێوە بردووە.