داواكارانی گشتی لە ئەڵمانیا ئاماژە دەكەن كە گرووپێكی كوردی سكاڵای لەسەر ئەحمەد شەرع سەرۆكی كاتیی سووریا تۆمار كردووە و ئەویان بە ئەنجامدانی كۆمەڵكوژی و تاوانی جەنگ و دژ بە مرۆڤایەتی تۆمەتبار كردووە، وەك ئاژانسی "فرانس پرێس" باسی كردووە.
ئەحمەد شەرع بەر لە بوونی بە سەرۆكی كاتی لە سووریا ناوی ئەبو محەمەد جۆلانی بوو و سەركردەی دەستەی تەحریری شام بوو، كە لە بەری نوسرە، لقی سووریای رێكخراوی قاعیدە دروست بوو، لە كانوونی یەكەمی 2024 لەگەڵ چەند گرووپێكی تری توندڕۆی سوننە رژێمی بەشار ئەسەدیان رووخاند و حكوومەتێكیان لە دیمەشق پێك هێنا.
هەفتەی رابردوو رەوەندی كورد لە دژی شەرع لە نووسینگەی داواكاریی گشتی لە ئەڵمانیا لە ئەڵمانیا " KGD "، سكاڵایەكیان تۆمار كرد و بە ئەنجامدانی كۆمەڵكوژی و تاوانی مەترسیداری جەنگ تۆمەتبار كرد، محەمەد تانریفێردی جێگری سەرۆكی كۆمەڵەكە لە بەیاننامەیەكدا گوتی، جۆلانی بەرپرسیارە لە كۆمەڵكوژیی كوردانی ئێزدی لە 2014 و توندوتیژی بەردەوام و رێكخراو لە دژی پێكهاتەكانی سووریا و عێراق.
شایەنی باسە رێكخراوە تیرۆریستییەكان لە داعش و قاعیدە و ئەوانیتر رۆڵی گەورەیان لە كۆمەڵكوژی و رفاندنی ژن و منداڵانی ئێزدی لە 2014 هەبوو، ئەوان جیا لە دەستدرێژیكردنە سەریان، لە بازاڕەكان لە نێوان خۆیان دەیانفرۆشتنەوە لە یەكێك لە فێزەونترین رەفتارەكان كە بە ناوی ئاین لە سەتەی نوێدا ئەنجامیان دا.