تەلەڤزیۆنی رۆناهی لەزاری سەرچاوەیەكەوە بڵاوی كردەوە كە چاوەڕوان دەكرێت لەماوەی چەند سەعاتی داهاتوودا شەڕ بووەستێ.
لەكاتی ئامادەكردنی ئەو هەواڵەدا، شەڕ لە بەنداوی تشرین، شاری رققە و چەندان ناوچەی تری رۆژئاوای كوردستان بە چڕی لەنێوان هەسەدە و چەكدارانی حكوومەتی كاتی سووریا بەردەوامە.
تەلەڤزیۆنی رۆناهی بڵاوی كردەوە كە چاوەڕوان دەكرێت لە ماوەی چەند سەعاتی داهاتوودا ئاگربەست ڕابگەیەنرێت.
هەروەها دووپات لەوە كراوەتەوە كە لێكتێگەیشتنێكی هاوبەش لە نێوان كورد و دیمەشق دروست بووە و ئاگربەست ڕادەگەیەنرێ.
ئەوە لەكاتێكدایە كە نیوەڕۆی ئەمڕۆ هەریەكە لە مەزڵووم عەبدی فەرماندەی هەسەدە و ئەحمەد شەرع بە تەلەفۆن قسەیان كرد و دوای ئارامكردنەوەی دۆخەكەیان كرد.
دوێنێ، سەرۆك بارزانی بەمەبەستی راگرتنی شەڕ و هێنانی ئاشتی لە پیرمام لەگەڵ هەریەكە لە تۆم بارك نوێنەری ترەمپ و مەزڵووم عەبدی كۆبووەوە كە كۆبوونەوەكە دەرئەنجامی گەورەی بۆ رۆژئاوای كوردستان دەبێت.