تەواوی كارمەندە بیانییەكانی پرۆژەی پاڵاوگەی بەسرە كە بە FCC دەناسرێت، عێراقیان جێهێشت و بەرەو ئوردن رۆیشتن.
ئەمڕۆ هەینی 27ی ئادار سەرجەم كارمەندانی پرۆژەی ئێف سی سی لە پاڵاوگەی بەسرە عێراقیان جێهێشت و بەرەو ئوردن رۆیشتن.
بەگوێرەی ئەو زانیارییانەی میدیای عێراقی بڵاوی كردووەتەوە، بڕیاری جێهێشتنی پرۆژەكە بەهۆی خراپی بارودۆخی تەناهی عێراقە و پرۆسەی رۆیشتنەكەیش لە رێگەی وشكانی بەرەو ئوردن بووە.
پرۆژەی ئێف سی سی بە گەورەترین پرۆژەی پاڵاوتن دادەنرێت لە عێراق كە ماوەیەكە دەستی پێ كردووە و كۆمپانیایەكی ژاپۆنی سەرپەرشتی پرۆژەكە دەكات و تێچووی پرۆژەكە چوار ملیار دۆلارە و تایبەتە بە بەرهەمهێنانی سووتەمەنی وەك نەوتی سپی و بەنزین.