دوای ئەوەی بارەگەیەكی هەواڵگریی حەشدی شەعبی لە كەركووك بە چەند مووشەكێك كرایە ئامانج، دەستەی حەشدی شەعبی رای گەیاند كە سێ كارمەند كوژراون و چواریش بریندارن.
ئەمڕۆ ئێوارە دەستەی
حەشدی شەعبی لە بەیاننامەیەك رای گەیاند، بارەگەی فەرماندەیی ئۆپراسیۆنەكانی باكور و رۆژهەڵاتی دیجلە سەر بە دەستەی حەشدی شەعبی لە پارێزگای كەركووك لە رێگەی سێ مووشك كرایە ئامانجی فڕۆكە جەنگییەكانی ئەمەریكا و ئیسرائیل، بەهۆی هێرشەكەوە سێ كارمەندی حەشدی كوژران و چواری تریش بریندار بوون، ئەوەش وەك ئاماری سەرەتایی.
ئەمڕۆ شەموو هەڵمەتە سەربازییەكەی ئەمەریكا و ئیسرائیل لە دژی ئێران چووە ناو پێنجەم هەفتە، هاوكات میلیشیاكان لە كردنەئامانجی بەرژەوەندییەكانی ئەمەریكا لە عێراق بەردەوامن، لەبەرانبەردا هێرشی ئەمەریكا و ئیسرائیل بۆ سەر بنكە و بارەگەی میلیشیاكان و لیواكانی حەشدی شەعبی بەردەوامە و تا ئێستە دەیان كوژراو و بیرینداریان هەیە.