ترەمپ:
ئێران هیچ كارتێكی بە دەست نەماوە گەرووەكان نەبێت
هۆكاری مانەوەی سەركردەكانی ئێران دانوستاندنە
ئەگەر دانوستاندن شكستی هێنا چەك بەكاردەهێنین
چەكی پێشكەوتوومان ئامادە كردووە
دۆناڵد ترەمپ هۆشداری لە شكستی دانوستاندن دەدات و دەڵێ، "تاكە هۆكارێك بۆ مانەوەی سەركردەكانی ئێران لە ژیان ئەوەیە دانوستاندن بكەن".
ئەمڕۆ هەینی 10ی نیسان، دۆناڵد ترەمپ هۆشداری لە شكستی دانوستاندنی نێوان ئێران و ئەمەریكا دەدات كە لە پاكستان بەڕێوە دەچێت و دووپاتی دەكاتەوە تاكە هۆكارێك بۆ مانەوەی سەركردەكانی ئێران دانوستاندنە.
ترەمپ باسی لەوە كردووە، ئێستە سوپای ئەمەریكا كەشتییەكان پڕ لە تەقەمەنی دەكات و چاكترین چەك ئامادە دەكرێت، دەشڵێ، "ئەگەر نەگەیشتینە رێككەوتن ئەو بەكاری دەهێنین".
ئەمڕۆ لە پاكستان دانوستاندنی ئێران و ئەمەریكا بەڕێوە دەچێت و ئەو دانوستاندن دوای ئەوە دێت ئەم دوو وڵاتە 40 رۆژ لە شەڕ دابوون.